كاصد ودربك طويل..
..بأمــــــــر لوعابر سبيل
مسلم الكوفه عليك
************
ندري لوسافرعزيز إيجرح الكلوب
اتصير دمعات اليحبه ظيم يعكوب
عينه عالباب اويظل للشارع ايلوب
وانت يامسلم ترد لوغيبه هالنوب
شأرد اسولف بالرحيل.. بأمـــــــــرلوعابرسبيل
مسلم الكوفه عليك
*********
انه محتار ابوضع بنته الوحيده
اشلون بالكوفه لمن توصل حميده
اتكول ابوي اهنانه ياعمه اريده
اتطيح فوك الكاع مشتاكه تريده
طفله والمدمع يسيل
لوبأمر عابرسبيل
مسلم الكوفه عليك
************
مسلم ابحلك المصيبه اول علامه
جن  لسان الريح سمعني سلامك
وآنه بالحال اعرفت معنى كلامه
حيل ويانه الدهر سدد سهامه
بالدرب شفت الدليل
بأمرلوعابرسبيل
مسلم الكوفه عليك
**********
باقي بالكوفه بعد باقي الأثر
اهناك موضع للحبل لمن يُجـر
صاح ياعباس ها مسلم عثر
ظل سفير حسين مذبوح النحر
ناس ماإلهم مثيل
بأمر لوعابر سبيل
مسلم الكوفه عليك
*************
هاي لأهل الكوفه مو عاده جديده
لايجيك الشك خيانتهم بعيده
دمنه هاي الناس يتسايل تريده
ليش تتيتم بعد بنته حميده
ناس ماعدهم جميل
بأمرلوعابرسبيل
مسلم الكوفه عليك
**********
دوم لأولادك يمسلم تشبح العين
لا.. توصيني عليهم تدري بحسين
محمد ابحضني وابوسه ابنص إلْجبين
والدموع اتسيل لأبراهيم كل حين
وادري واحدهم قتيل
بأمرلوعابر سبيل
مسلم الكوفه عليك
************
الحمدلله رب العالمين
ديوان
دموع الهاشميات
الجزء الثاني