[ مسلم ع ]


الجمعة 18 / 08 / 2017 - 04:22 صباحاً
         
        جامعة الملك فهد للبترول والمعادن تعلن نتائج قبول طلاب الثانوية         انتهاء فترة التسجيل الإلكتروني وبدء تأكيد التسجيل حتى 10 شوال         برنامج أنوار الهدى يعلن عن التسجيل في برنامجه الصيفي لهذا العام 1438         الفتى الرسالي يكرم (11) خريجاً و(62) رسالياً بين مبدع ومتميز ومتفوق         مصري يخط مصحفاً طوله 700م ليكون الأكبر في العالم         مأكولات تغنيك عن الدواء .. تناولها دائماً         لأول مرة .. باب الكعبة المشرفة في كوريا الجنوبية!         تشغيل شركة حكومية للتمويل العقاري برأسمال 5 مليارات ريال .. الشهر المقبل         منظمة (أودك)         (ساما) تتجه لتوطين الوظائف الفنية والقيادية في شركات التأمين         امرأة اقتصادية         تطبيق العقد الموحد لـ (إيجار) على القطاعات التجارية مطلع 2018         فنزويلا تهدد بالإنسحاب من منظمة الدول الأمريكية         سلطنة عُمان تؤكد جاهزية الطريق البري الرابط مع السعودية         إعادة جميع البدلات والمكافآت إلى موظفي الدولة وتقدبم الإختبارات    

مسلم ع
شبكة الوادي الثقافي ـ ابو احسان الهلالي ـ العراق ـ الأربعاء 9 / 11 / 2016 - 09:02 مساءً
مسلم ع
**
لاتترك المعقول....احجي الحقيقه وكول
ناس ماعدها عقيده يلتسايل
مايهمهم موت مسلم لاتجامل
**
هذه مسلم وانته مسلم ابحث بكل الحقايق
لاتحـــابي لاتجامـــل دقق بكـــل الوثايـــق
المجتمع ذاك ويه هذه اشكثر بيه ظالم وسارق
والمصيبه باليصلي انشوفه بالواقع منافق
بالدين يتسترون.....للمنكر ايفعلون
غدروا بمسلم نفس ذوله الاراذل
مايهمهم موت مسلم لاتجـــــامل
**
المجتمع لمن ندرسه نلكه بيه جاهل وفاهم
ونلكه ناس اعله المطامع تعبد تأله  الظالم
وناس باعتها الضماير من اجل حفنة مغانم
اتجسدت بالكوفه كلها هل صفات وهل معالم
هل المجتمع ياناس....بيه مختلف اجناس
ناس باعتها الذمم ركبت الباطل
مايهمهم موت مسلم لاتجـــامل
**
لو نقارن مجتمعنه بذاك نفسه نشوفه واقع
كل صفات البيه جانت عدنه موجوده يسامع
تسترت بالديـــن كلها تنــــاصر الباطل تدافع
والحكمنه نهب حكنه نص شعبنه اليوم جايع
بس بالحجي ياصاح.....ينادون بالاصلاح
من اجل كرسيه واحدهم يناضل
مايهمهم موت مسلم لاتجـــامل
**
حسين من اختار مسلم يعرف بمسلم قدير
كلفه بهاي المهمه واعتنه الكوفه سفير
هذه تلميذ الصميده الجان للهادي وزير
رايد الواقع يكشفه بهل الامر كلش جدير
شاف الحجي معكوس ...من الرجس مدسوس
اعليه سلتها السيوف الكل تقاتل
مايهمهم موت مسلم لا تجامل
**
هذه من بيت الشجاعه منين مامال ايغرف
مثل حيدر مثل حمزه بالشجاعه ينــــوصف
الغوث منه الكوفه صاحت شايل بجفه الحتف
لجن غدروه ياحسافه وسلموه لارذل جلــف
بالسيف من ضربوه... من اعلى القصر ذبوه
على ابو اليمه دمع عيناه هامل
مايهمهم موت مسلم لاتجامل
**
قتل مسلم والجراله من عرف بيه الحسين
راح واتعنه حميده وصاحها بلهفه وحنين
مسح راس الطفله بيده منكسر كلبه حزين
بويه انتي اول يتيمه من يتامى الطيبين
اول شهيد الطاح....للعدل والاصلاح
شعاع نوره للسمه هاليوم واصل
مايهمهم موت مسلم لا تجـــــامل
**

خادم اهل البيت
ابو احسان الهلالي

زيارات تعليقات
تقييمات : [0]
525 0
تعليقات فيسبوك
عرض الردود
شاركنا رأيك
أدخل ناتج جمع العددين 4 و 4


النشرة البريدية

         


الحقوق محفوظة لصالح الوادي الثقافي

Site Go 2.0