الانصار
**
بصوت واحد صاحوا انصاره الغياره
بالشهــــاده انريــــد نحتــل الصداره
**
كبلك نخوض الحرب
نكلـــب الحومه كلـب
وعينك انقرها يبن سيد الرساله
سيوفنه تحطب حطب
نار كبـــره من تصب
نترس الوادي جثث اهل النذاله
انسود وجوه ال اميه بالمعاره
**
ها يبن سيد المله
كل املنه كربلــــه
بيها يتحقق حلمنه ويحل فرضه
بالدمـــاء السايله
نفدي هاي العايله
نريد بارينه ونبينه عنه يرضه
نتاجر ويه الله نريد بهل تجاره
**
جنه نحلم من سنين
عالشهاده امقررين
كل حلمنــــه ويــــاك يتحقق مراده
عن عقيده وعن يقين
يبن سيــــد المرسلين
نريد قبلك سيدي انول السعــــــاده
بصوت واحد صاحوا بهاي العباره
**
باجر عيونك تشوف
لاتهمك هل الـــــوف
احنه واحدنــــه بالف لمن تعده
من نجــردها السيوف
نحصد اركاب الجلوف
بحر من دم يغرق الوادي ابمده
الك ننطي هالوعد والله بجداره
**
اختارهم رب العباد
ثابتين اعله الجهاد
ركبوا خيول المنايه اهل الحميه
عانقوا بيض الحداد
بالنفس كل فرد جاد
ضحوا الارواح دون ابن الزجيه
للشهاده كل فرد جان اختياره
**
والحشد اقسم قسم
لو نصر لوبالعــلم
عهـــــــد عاهدنه زعيم المرجعيه
بالرمــــــادي والعلم
دسنه داعش بالجدم
احنـــــه انصار ابو اليمه الرافضيه
نطهر ارض الوطن من هاي القذاره
**
خادم اهل البيت
ابو احسان الهلالي