نار الحزن لهابه....عين الدمع سجابه
******* *******
من شوال يــــــوم الخامس وعشرين
ننصبها المواكـــــــــب دم تهل العين
نعزي المرتضى وام الحسن وحسين
ونعزي المهدي هاي الليله بمصابــه
********* ********
ربه بحضن المآسي والحزن مهـده
وصورة كربله راسمها من جــــده
شاهد دمعته المافاركت خـــــــــده
على عمه وابوه حسين واصحابه
****** ******
على الآل الظلم ياوسفه ظل ايدور
ومثل حرك المخيم عاشر بعاشور
حركوا دار جعفر زمرة المنصور
على آل النبي الكل كشر نيابـــــه
***** *****
عله مصابه ننوح ونجذب الحسره
وتشب نار الدليل وتسعر الجمره
والمنصور حاقد دبّـــــــر الغدره
بالسم مرد جبده وابـــــــد ماهابه
**** ****
نلطم والدمع فوك الوجن مرسوم
ونصيح بصوت واويلي عله المسموم
امام المذهب الجعفري مات اليوم وظلت بالحزن والنوح احبابــــــه
******* *******
كل ظنه يموت ويندثر علمـــــــه
ما يدري بقه منهاج للامــــــــه
ما نهتم لون جار الدهر حكمــــه
منهاج العدل نبقه احنه طلابـــــه
****** ******