الموعد
****
نستقبل ولينه عله الموعد اجينه
**** *****
شدينه العزم وآمال تحدينه
بعد غياب طال انشوف والينه
بسجن هارون خلص عمره وسنينه
صعب الانتظار وطول علينه
سنين امفاركينه نوره امغيبينه
***** *****
آه شكثر صعبه علينه هالساعات
وظلت بالفكر تترادم الحسبات
مشبوحه النواظر تهمل الدمعات
نتأمل نشوفه وتنطفي الجمرات
ابو روح الحنينه ما ضل صبر بينه
****** *******
ساعه ولن نعش بيد اربعه ايحملوه
امام الرافضه ينادون من جابوه
وافاه الاجل بالسجن ها شوفوه
مكيد بالحديد وعالجسرخلوه
عله نعشه هوينه دمع من دم بجينه
***** *********
سماه اليهودي والحقد عاميه
ويعرفه ابن الزجيه من تجره عليه
يصارع بالالم والكيد رض رجليه
من غمض عيونه ومنهو مد ايديه
من سكن انينه غصن شجرة نبينه
***** ******
الشيعه شيعة نعشه بكلب مالوم
تلطم عالصدر يجري جفنها دموم
بعبره اتصيح واويلي عله المسموم
يلعاش ابغربته من الاهل محروم
احقاد الدفينه ضد عترة نبينه
شيعنه النعش بالونه والعبره
وتذكرنه الغريب الظل عله الغبره
محزوز النحر وعياله متيسره
وهذه اعظم مصاب المر عله العتره
عاري امسلبينه جسمه اموذرينه
****** ******
نصبناهه المواكب بالحزن والنوح
وننخاك بدمعنه والكلب مجروح
ياباب الحوائج يا سفينة نوح
طك بحر الصبر ياسيدي بالروح
ثكل همنه العلينه بس الكم شكينه
***** ******
ليل نهار ندعوا الباري المعبود
يعجل بالفرج للغايب الموجود
يحيها الشريعه وخل يقيم احدود
والباطل يذله والعداله اتسود
بشرع الله ونبينه يداوينه بيمينه
***** *********
خادم'>#ffffff]خادم اهل البيت
ابو احسان الهلالي