اويلاه يفاطمه

اللهم إني أسألك باسمك العظيم الأعظم الاجل الأكرم المخزون المكنون النور الحق البرهان المبين الذي هو نور مع نور ونور من نور ونور في نور ونور على نور ونور فوق كل نور ونور يضيئ به كل ظلمة ويكسر به كل شدة وكل شيطان مريد وكل جبار عنيد، لا تقر به أرض ولا تقوم به سماء ويأمن به كل خائف ويبطل به سحر كل ساحر وبغي كل باغ وحسد كل حاسد ويتصدع لعظمته البر والبحر ويستقر به الفلك حين يتكلم به الملك، فلا يكون للموج عليه سبيل وهو اسمك الأعظم الأعظم الأجل الأجل، النور الأكبر الذي سميت به نفسك، واستويت به على عرشك وأتوجه إليك بمحمد وأهل بيته أسألك بك وبهم ان تصلي على محمد وآل محمد.

اويلاه يفاطمه

اويلاه يفاطمه
اويلاه يفاطمه..؟..اويلاه يفاطمه
(اشلون حالك يامحب رايد جواب..؟..نرفع الليله العزاء إبهالمصاب)
انتي ماظن كل نساء ابمستواچ
يا… عقل يكدر يحدد محتواچ
ما أظن كبر اواللحد انتي احتواچ
وآنه أظن گبرج صعد سابع السمه
اويلاه يفاطمه..؟..اويلاه يفاطمه
*********
انتي جنه او جنة الله حسدچ
نور في مشگاة تزهي شافتچ
اشلون نگدر نوصل احنه الخدمتچ
وصل منچ كون تعبي ايوسمه
اويلاه يفاطمه..؟..اويلاه يفاطمه
********
رادوا الاسرار من صدر الوفه
عدهه سر من الرساله تعرفه
حته تسكت تبقه يإلهَم نازفه
حته بيهه ينشغل حامي الحمه
اويلاه يفاطمه..؟..اويلاه يفاطمه
*******
ندري كبرج اظلم او ماكو جواب
أكو باب انشوفهه لو مابيه باب
ياصبر زينب عله هذا المصاب
واحنه ندري عالقهر متعلمه
اويلاه يفاطمه..؟..اويلاه يفاطمه
*********
نعشچ ابليل ارتحل صوب الگبر
اشلون وصيتي وصيتچ بيهه سر
اشلون بأيتامچ عله بابچ تمر
اتشوفه محروگ اوعتبته مظلمه
اويلاه يفاطمه..؟..اويلاه يفاطمه
*********
الحمدلله رب العالمين
ديوان
دموع الهاشميات
الجزء الثالث

شبكة الوادي الثقافي - ـ السيد هادي الموسوي الناصري ـ - الأحد 6 / 03 / 2016 - 10:14 مساءً زيارات 848 تعليقات 0