**
يارجالي طوفي..... كربلاء وشوفي
من انادي يخوتي ....اسمع جواب
**
حين سمعّوا صوت من حسين صاح......ياحبيب
خلي نرسم ملحمة يوم الكفاح
خلي اصحابك يجهزون السلاح
باجر تشب الحرب ويه الصباح
والعده ايكصدونه.....للحرب يردونه
اسمعو ها ياصحبتي....اسمع جواب
**
احنه الها بصوت صاحوّا اجمعين.........ياحسين
ندوس اميه وبعزمنه المايلين
بالضلع نقسم الك يبن الامين
عالشهاده اوياك احنه مصممين
كبلك احنه نبتدي....تحت امرك سيدي
حسين انته عزتي....اسمع جواب
**
صاح ابو اليمه يلاكبر ياعلي............ياعلي
من بعد انصاري للحق تعتلي
كبل هاشم بويه اقدمك يالولي
بغضن بجدك حرب هالجاهلي
جسمك ايوذرونه......وراسك ايحزونه
لله ارفع شكوتي.....اسمع جواب
**
بعدك القاسم اقدمه للحرب............هالشباب
جني اشوف الحسن للحومه يطب
ينكسر كلبي تره الموقف صعب
من يطيح ايكطع هروش الكلب
اعتنيه لطفوفي.... اله امد جفوفي
اعليه نزلت دمعتي .....اسمع جواب
**
من بعد هاشم ابوفاضل نزل ............يعباس
تكول حيدر من حمل يوم الجمل
منه فرت للشريعه لمن وصل
مله جوده بهمه رد ابن الفحل
تنكطع جفينه...وسهم يطفي عينه
اهنا تصبح ضيعتي....اسمع جواب
**
ومن اصيحن يبني عبد الله الرضيع..........ياحسين
بحضني اشيله واعتني صوب الجميع
ردت جرعة ماي يرويه الوضيع
ارتوه بدم النحر خطب فضيع
بحضني من وديته.....لعمته انطيته
صاحت آيغربتي....اسمع جواب

خادم اهل البيت
ابو احسان الهلالي