يعباس نادينه....يعباس نادينه
**
خويه وينك ياكمر هاشم تعال
يلي ماتتعذر اختك لا محال
صوتي ماهزاك ياحيد الرجال
ترضه خويه انذالهم تولينه
يعباس نادينه
**
يلطحت عالمشرعه ظن مادريت
عكب عينك ياشهم خويه انسبيت
بسوط يضربني الشمر بيك انتخيت
ورم متني اورم متن سكينه
يعباس نادينه
**
خويه ظلمه الدنيه بعيوني احس
من غفت عالشاطي ياخويه الشمس
صرنه مطمع خويه للطاغي الرجس
والخيم حركوها خويه علينه
يعباس نادينه
**
خويه وحسنك عله الغبره وكع
بسيفه شمر الخنا حز نحره وكطع
هجمت علينه يخويه اهل الطمع
واليتامه اتصيح عمنه وينه
يعباس نادينه
**
طحنت خيول العده منه الصدر
وسلبونه اهل الرده من الخدر
صارن جفوفي يعباس الستر
عكب عينك بالهضم ظلينه
يعباس نادينه
**
ترضه يشتمني ويكلي منهو الج
عله الغبره ذبحينه كل هلج
فنه يفزعلج يزينب كافلج
عله الشاطي اتكطعن جفينه
يعباس نادينه
**
خادم اهل البيت
ابو احسان الهلالي