ثورة ضد الظلم .. قصيدة كعده

دعاء سريع الإجابة

اللهم إني أسألك باسمك العظيم الأعظم الاجل الأكرم المخزون المكنون النور الحق البرهان المبين الذي هو نور مع نور ونور من نور ونور في نور ونور على نور ونور فوق كل نور ونور يضيئ به كل ظلمة ويكسر به كل شدة وكل شيطان مريد وكل جبار عنيد، لا تقر به أرض ولا تقوم به سماء ويأمن به كل خائف ويبطل به سحر كل ساحر وبغي كل باغ وحسد كل حاسد ويتصدع لعظمته البر والبحر ويستقر به الفلك حين يتكلم به الملك، فلا يكون للموج عليه سبيل وهو اسمك الأعظم الأعظم الأجل الأجل، النور الأكبر الذي سميت به نفسك، واستويت به على عرشك وأتوجه إليك بمحمد وأهل بيته أسألك بك وبهم ان تصلي على محمد وآل محمد.

ثورة ضد الظلم .. قصيدة كعده

ثوره ضد الظلم              قصيدة كعده
                         **
ثوره ضد الظلم ضد الناصبيه....جسداها حسين بارض الغاضريه
كتبت دروس وعبر .........الدم عله السيف انتصر
جسداها حسين بارض الغاضريه
**
حسين من حمل ضعونه واعتنه لطف المنيه
حسين يدري حسين يعلم بالطف اتحل الرزيه
وكربله لمن نزلها ناده يصحاب الحميه
اهنانه المحتم يحل.....وانصاره واهله تنجتل
وبكربله هلاله يهل......مواعد بهاي القضيه
من دماه الطاهره روّه العقيده....آه يحسين المحب اصبح نشيده
احيّه دين الله ابفخر........الدم عله السيف انتصر
جسداها حسين بارض الغاضريه
**
حسين منهج خطه النه بثورته الحره الابيه
خرج للاصلاح قاصد ضد فساد ارجاس اميه
حسين مارايد مناصب  طلك الدنيه الدنيه
الهدف تحرير البشر.....من الفساد اللي انتشر
جسدها وبكطع النحر......ابن فاطمة الزجيه
**
واحنه لازم نلتزم كل محتواها..ثوره ويه الزمن ضل خالد صداها
يفتخر بيها الدهر .....الدم عله السيف انتصر
جسداها حسين بارض الغاضريه
**
حسين موبس دمعه رايد رايد النهجه نطبقه
بالفعل موباللسان من الضمير الحي ننطقه
حسين راد النه التوحد ها يشيعه مو الفرقه
هذه الدرب درب العدل.....والراد دينه يكتمل
موبالحجي كول ابفعل....نلتزم بيه ونوثقه
من اجل تطبيق دستور العداله.....حارب بكل قوته عروش الظلاله
واحنه نتبع هالاثر ......الدم عله السيف انتصر
جسداها حسين بارض الغاضريه
**
درس من هالثوره ناخذ عالفساد نثور كلنه
ونوكف بقوه وصلابه منهم انطهر بلدنه
حشد بالجبهه يقاتل واحنه حشد اعله الظلمنه
كل واحد البينه استعد.....لازم ننظف هالبلد
من الحرامي البيه كعد .....الباك ثروتنه ونفطنه
رادوا  ايكحلوها تاليها عموها..والخزينه من النهب هالصفروها
جم حرامي اللي طفر ....الدم عله السيف انتصر
جسداها حسين بارض الغاضريه
**
اصحه ياشيعي وتفكر واخذ من هالثوره عبره
عالفساد وعالنواصب اعلن بهل يوم ثوره
لاتحابي ولا تجامل اكشف المستور اظهره
هذه الشعب مل الصبر....لشوكت يبقه ينتظر
وصلت تحت خط الفقر ....منهو ينشد عله الفقره
وبدعانه نصيح يارب عجل النه....وبظهور الحجه ظل مرهون املنه
الحشد جيشه لو ظهر ....الدم عله السيف انتصر
جسداها حسين بارض الغاضريه
**

خادم اهل البيت
ابو احسان الهلالي

شبكة الوادي الثقافي - ـ ابو احسان الهلالي ـ العراق ـ - الأربعاء 9 / 11 / 2016 - 08:55 مساءً زيارات 3041 تعليقات 0