الله ويــــــاك....صعـــــب فركـــاك
ما انام الليل....تظل دموعي تسيل
**
ضاع يبني كل سهر ذيـــج الليالي
والبنيته اتهــــدم بفك،،،ري يغالي
امك آنه وح،،كي من اعتب يوالي
شكد صعب فركاك مطبوع بخيالي
كلبي نـــــــاداك....اشلون انساك
راح اظل بالويل ....تظل دموعي اتسيل
**
هذه ابوك حسين يمك ظهره محني
عليك دمعاته جرن ويصيح يبني
بويه حاجيني يكلــــــك زاد وني
اه يازهرة حيـــــأتي الراح مني
انكطــــع سباح ....كلبي اوناح
راح مني الحيل....تظل دموعي اتسيل
**
من بعد عينك بعد شلي بحيـــاتي
ريت يبني ويــــاك يلفيني مماتي
راحن اعيشن بالالم وي ذكرياتي
من يحاميني اذا جـــــروّا عباتي
يحشم الراح ....دمعي لو طاح
ما اصيح دخيل ....بس دموعي تسيل
**
من اجـــرن حسرتي تفسر الرواسي
ودهري فصّل حزني يوليدي بمقاسي
من رحــــت بيتي تهـــدم فوك راسي
اه يبــــني راح اظلـــــن بالـــــمآسي
عكب عينــاك....بوليـــــة اعــــداك
يمه بيه يعيل ...تظل دموعي تسيل
**
انت كلشي بدنيتي وضيعت كلشي
باليسر غصبن علينه راح نمشي
يبني بجفوفي كمت وجهي اغشي
آ يدمعاتي دمه اعله خدودي رشي
الخدر مسلوب ....لا يمهيوب
يمه راح نشيل ....تظل دموعي تسيل
**
خادم اهل البيت
ابو احسان الهلالي