آه يازماني (ام البنين)
** **



آه يازماني.......سهمك رماني
خليتني بلايه فكر اصفك بيديه
*** ***
من فارك الديره ومشه حسين وبنيني
ما هجع كلبي ولا بطل نوحي اونيني
وليل اليمر اعله البشر ماغفت عيني
وظليت اشوبح بالنظر طارش يجيني

يوافيني الاخبار.....عن ضعن الاقمار
ويطفي ناري البلكلب تلهب سريه
***** ****
ليل الفراك اشكد صعب واحبابي غياب
وعليه ظلمه وموحشه ظلت هالاطناب
انشدمن وعين الدمع عالوجنه سجاب
بحسباته غركان الفكروالكلب عطاب

من فاركوني......جنهم نسوني
وظليت ارابي اعله الدرب صبح ومسيه
***** *****
طالت الغيبه وماشفت طارش اجاني
ونار الدمع لمن يصب جمره جواني
عن عيني البدور اختفت جم دوب اتاني
وفركة حسين الهدمت فكري وكياني

بالهم والالام ...... كظيت الايام
طك كلبي والله لشوفتك يبن الزجيه
***** *****
مصباح الاكشر من لفه الناعي وسمعته
تعنيته وجدامي تخط صحت ونشدته
عن ابو اليمه انشدك يالناعي صحته
ناداني الله ايصبرج وتهـــــــل دمعته
الله يعينج ......انذبحـــــــــــوا بنينج
ضلوا ضحايه عله الترب بالغاضريه
**** *****
عن ولدي لا ما انشدك انشد عله حسين
يرحون فدوه الاربعــــــه لابن الميامين
بسكون سالم لي يرد وتشوفــــــه العين
صاح انعه الحسين انذبح جا ماتسمعين
آيبني صاحت......والحـــــــره طاحت
حسين اولدها الاربعه راحوا سويــــــه
***** *******
ويه البنين الاربعـــــــه دفنـــة حلمها
اعله حسين وعليهم تون زايد هضمها
لاشوف لا حيل البكه منهو اليلمهـــا
صوبها بسهامه الوكت لا مارحمهــا
تمنت ولدها ...... هالليله عدها
تحضرها ساعة من دنت ليها المنيه
****** ******
خادم اهل البيت
ابو احسان الهلالي