ليلة مسلم ع**
سجل ياقلم......بدموع الالم
حميده الليله واسيها....ابمسلم خل نعزيها
**
صح الخال والد والمثل مظروب
والمفارك ابو كلبه عليه ايلوب
يحن لاحضان ابيه اشما يحين غروب يظل مكسور خاطر والدمع مصبوب
بسكوت الدمع ....يهله المنفجع
وتخلص لياليها ...بمسلم خل نعزيها
**
حميده اشتاقت لاحضان والدها
عليها غيابه طال الله يساعدها
ترجه ايعود يمسح دمعه البخدها
الخالتها العقيله تروح تنشدها
ماجاكم خبر....دلالي انفطر
وترفع بالدعه اديها....بمسلم خل نعزيها
**
مشتاقه حميده لمسلم اتشوفه
وابو اليمه عليه الروح ملهوفه
نشد عنه الاجوا من بلدة الكوفه
يعرف بالغدر هالبلده ماصوفه
كالوله انجتل ....والمدمع همل
روحه الجمر شب بيها....بمسلم خل نعزيها
**
جابوله حميده ابحضنه خلاها
مسح بيده اعله راس الطفله ناداها
ابوج آنه يعمي بعبره حاجاها
يعظملها الاجر بالابوا عزاها
حست باليتم.....من راح الشهم
والدمعات تجريها ....بمسلم خل نعزيها
**
**
تون وتنوح ظلت كل لياليها
جرح فراك ابوها وشعمل بيها
بالطف مادرت ارجاس توليها
ويفجعوها العده بجتلة اهاليها
مذهوله الفكر...من سوط الشمر
من يفزع يحاميها....بمسلم خل نعزيها
**
حميده لزمت سكينه وتهل العين
وسياط النذاله تلوح بالمتنين
لاعم البكه يحماهن ولا حسين
بحيره ومادرن ينطن وجهن وين
وحبال اليسر..... بيدين الشمر شده ابعصم ايديها....بمسلم خل نعزيها
خادم اهل البيت
ابو احسان الهلالي