سبيات...سبيات

لوصار إلصبح نطــلـع سبيات..؟..بتـراب الخرايب ليلنه أنبـات
علينه الناس تحچي خارجيات
لوصار إلصبح نطــلـع سبيات 
*****************************************
وجــه الصبح..؟..لمّـــن طلع..؟..هيبـــة عــلـي إبعباتي
خيمه إوتـلـم..؟..طفله وطفل..؟..تـستــرعـــلـه خـواتي
صارت ستـر..؟..صبح وعصر..؟..وآنـه أنتظـر ممـاتي
سوط وضرب..؟..شتم إوزجــر..؟..ماعفت أبـد صلاتي
بالچفوف..؟..بالچفوف
وإخيوط الحبل معـضد بالچفوف.؟.مثل جسم الحيايه اعلينه ملفوف
بأجساد اليتامه يسجـد ايطوف
لو صار إلصبح نطــلـع سبيات
 ************************************************
وي...الصبح..؟..صار إلسلب..؟..شفت إلمچنت أشوفـــه
جسم الحسين.؟..إعله إلأرض..؟..خــيل وزلـــــم تطوفـه
أسمع يطــك..؟..زنــد إوضلع..؟..إشلون إلكســر أروفــه
يقره ألذكــر..؟..فوگ الرمـح..؟..دم......ينـزف إبطفوفـه
يدفـان..؟..يدفــان
آنـه إبعازتك ماعندي إخـوان..؟..رجّع راسـه يــم نـحـره يدفـان
هّـم سامــع عزيز إتـدفنه نسـوان
لوصار إلصبح نطــلـع سبيات
 ************************************************
وجـه ألصبح..؟..تبچي إلحـرم..؟..گلهـن ركـــض عـليــه
مثــل إلكطـه..؟.إبخوف ورعب.؟..حوريه...وي...حوريه
طفله تصيح..؟..إمـــن إلحرگ..؟..ياعمـه شوفي إلبــيّــه
يمكن سحگ.؟..رجلي الفرس..؟..مكسوره چَــن رجلـيـه
والصياح..؟..والصياح
وي طرت إلفجر يتعاله إلصياح.؟.كمت أصفك لأخوتي إلراح بإلراح
كبـل عباس أشوفن هسّه ذبـاح
لوصار إلصبح نطــلـع سبيات
 ************************************************
وي...الصبح..؟..يبدي الشمر..؟..شـتـم إوزجر بأهـلـنـه
 يسترنه بس..؟..ستـر إلـعـبي..؟..للكوفه كــلنه شـــلـنـه 
 هـذا إلجنيتـه..؟..إبـكـربــلــــه..؟..إتـبـــدد چــتل شملـنـه 
 متروســـــه..؟..چويات ودمع..؟..جدميني مـــن رحلـنـه
يالدموع..؟..يالدموع
وي خيط الفجر دمايه الدموع.؟.والصوت الصبح من عدنه مسموع
ماعدنه إبخرابه نشعل إشمـوع
لوصار إلصبح نطــلـع سبيات
 ************************************************
وجـه ألصبح..؟..أظــلم غـــده..؟..تمطــر دمــه سمانــه
كمت أربــط..؟..إلطفله إبطفل..؟..گــــــل واحـد إبمچانه
كلش تعـبنه..؟..إمــن إلركض..؟..لآعدنه أخـــو إجـانــه
يشكف إلي..؟..سـوط وحجــر..؟..ينطينـه كــــــل حنانـــه
فقط روس..؟..فقط روس
چنهه أعلام فوگ إرماح هالروس.؟.بإخوتي إلأعوجيه تصهل إتدوس
صارت بس دماء أنوار إلشمـوس
لوصار إلصبح نطــلـع سبيات
 ************************************************
وي...الصبح..؟..ماهي الخيـم..؟..بالهيمه بتـــنه كــلـنـــــه
مـــن إلبـــرد..؟..ذاب إلـــورد..؟..بـــرد إلشتــه أكـلــنـــــه
إتراب إلأرض.؟..بس نفترش..؟.. بــس إلعبــي حلـلـنـــــه
ظـل كـل طفــل..؟..يحضن طفل..؟..لاأهــل تــفزع إلـــنـــه
سليبات..؟..سليبات
واحـد گـال قيدوهن للأعنـاق.؟.واحد گــال شدوا إلساق بإلساق
واحـد گـال بيعوهن بإلأسـواق
لوصار إلصبح نطــلـع سبيات 

************************************************
   الحمد لله رب إلعالمين...ديوان...دموع إلهاشميات...إلجزء الثالث