نزله للحسين ........ عالخدمه الحسينيه

اللهم إني أسألك باسمك العظيم الأعظم الاجل الأكرم المخزون المكنون النور الحق البرهان المبين الذي هو نور مع نور ونور من نور ونور في نور ونور على نور ونور فوق كل نور ونور يضيئ به كل ظلمة ويكسر به كل شدة وكل شيطان مريد وكل جبار عنيد، لا تقر به أرض ولا تقوم به سماء ويأمن به كل خائف ويبطل به سحر كل ساحر وبغي كل باغ وحسد كل حاسد ويتصدع لعظمته البر والبحر ويستقر به الفلك حين يتكلم به الملك، فلا يكون للموج عليه سبيل وهو اسمك الأعظم الأعظم الأجل الأجل، النور الأكبر الذي سميت به نفسك، واستويت به على عرشك وأتوجه إليك بمحمد وأهل بيته أسألك بك وبهم ان تصلي على محمد وآل محمد.

نزله للحسين ........ عالخدمه الحسينيه

نزله للحسين

عالخدمه الحسينيه

**********

سبب عافيتي..؟..يرافع صيتي..؟..حسين حبيته
خل ايلوموني..؟..ولاايهموني..؟..دخيل البيته

*******************
اهلــي نذروني نــــــذر هــــــــذا طبعهـم
خادم اوخطي حسيني امــــشي بدربهـم
انـــه قيس ااوعشكي عابس في عشكهم
مـــن اموتن ماامـوت الاعــــــلى حبــهـم

بدونك شأسوه..؟..اعوفك بلوه..؟..عقلي حاچيته
سبب عافيتي..؟..يرافع صيتي..؟..حسين حبيته

********************
انــــه من دونك حسين ابلايه كل شــي
وانــه ناذرلك وقف دمعه اعلــى رمشي
مــــن يخلص مجلسك مـــاودّي أمشـي
منبرك لـمّــــن امــــوت يصيــــر نعشـي

بجميع اقلامي..؟..حسين إلهامي..؟..ابعشك خطيته
سبب عافيتي..؟..يرافع صيتي..؟..حسين حبيته

************************
تــدري اليفارك عـزيــز ابروحــه حـيــره
اتشوفه مكسور الظهـر وجهـــــه يديـره
انـــــه احلفك بأبو فاضل ابـــــو الغـيره
لا…… تخــلي حسرتي ابكبـــري جبيـره

وحيد ابگبري..؟..واحير بأمري..؟..المُحب خليته
سبب عافيتي..؟..يرافع صيتي..؟..حسين حبيته
************************
مايسرك كــــل ظرفنه إيبـچّــي حــتــــه
الريـــح تلعب بينـه واحنا سكته سكتـــه
احنـــا واحدنه قبــض بـــيــده جمرتـــه
والفقـر نـــــوّخ بـكــت تـكتــل حسرتـــه

نـداوي العـلّـه..؟..مآسي إنگلّـه..؟..الكلب چويته
سبب عافيتي..؟..يرافع صيتي..؟..حسين حبيته

************************
هواي كرهوني اعله دربك چـــي عشكته
هُــوّه روحي حسين مـــن يحمل فركـته
حاربـت شيطان روحــي ابـحُـب كتـلــته
والـلّـــه هــاي الناس توكع لـومــا انتــــه

ملكت احساسي..؟..يرافع راسي..؟..الحچي مليته
سبب عافيتي..؟..يرافع صيتي..؟..حسين حبيته

************************
                الحمدلله رب العالمين
                           ديوان
                    دموع الهاشميات
                      الجزء الرابع

شبكة الوادي الثقافي - السـيــــد هــــادي الموسوي الناصري ـ العراق - الخميس 22 / 07 / 2021 - 01:38 صباحاً زيارات 405 تعليقات 0