اعوذ بالله

اللهم إني أسألك باسمك العظيم الأعظم الاجل الأكرم المخزون المكنون النور الحق البرهان المبين الذي هو نور مع نور ونور من نور ونور في نور ونور على نور ونور فوق كل نور ونور يضيئ به كل ظلمة ويكسر به كل شدة وكل شيطان مريد وكل جبار عنيد، لا تقر به أرض ولا تقوم به سماء ويأمن به كل خائف ويبطل به سحر كل ساحر وبغي كل باغ وحسد كل حاسد ويتصدع لعظمته البر والبحر ويستقر به الفلك حين يتكلم به الملك، فلا يكون للموج عليه سبيل وهو اسمك الأعظم الأعظم الأجل الأجل، النور الأكبر الذي سميت به نفسك، واستويت به على عرشك وأتوجه إليك بمحمد وأهل بيته أسألك بك وبهم ان تصلي على محمد وآل محمد.

اعوذ بالله

اعوذ بالله

*****
السيدهادي الموسوي الناصري
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اعوذ بالله من العين المتدمع..؟..لاحول بالله على الجسم المقطع
اعوذ بالله..؟..اعوذ بالله

*********
واشعلت شمعه..ابليلة الجمعه..؟..عوذت محجر العين
بآية الكرسي..عوذت نفسي..؟..واختم إبأسم الحسين
واندعي الربي..يلحك الكلبي..؟..وأنخه رب العالمين
كل جبل يرتج..موش فچ اوفج..؟..ابفكد محبوبي الحنين

والبچي اشكال..؟..تبجي من كلبك العين
تنتهي الآمال..؟..الماتصب لاجل الحسين

استغفر الله سهم بالجبهه يركع..؟..لاحول بالله على الجسم المقطع
اعوذ بالله..؟..اعوذ بالله

*********
دنيتك تخدع...اتضحكك اوتفجع..؟..كل عواقبهه دموع
منها تتحذر..كون ماتكدر..؟..عيش أيامك قنوع

يابشر اقنع..كون ماتدمع..؟..خلي ابكلبك خشوع

چلّب ابزينب..ابموقف اتكرّب..؟..يم مصيبتها رجوع

اتذكر اشلون..؟..هالسبي اوحرك الخيام
اتذكر شلون..؟..طفله ترشكهه السهام

وناتك إبآه على الثغر إلتلوّع..؟..لاحول بالله على الجسم المقطع
اعوذبالله..؟..اعوذ بالله

***********
خلي وناتك..بالحزن تكثر..؟..بالكبر تالي تروح
خلي حسراتك..تنكلب حافر..؟..تسحك اواوتفتح جروح
تسوه تتصبر..بچي ماتگدر..؟..للحسين ابلايه نوح
هْوّه كل خيرك..هوه اللي ايجيرك..؟..اكصد الصحنه تروح

سورة الفجر..؟..بيك أنه اتنفس
سورة الفجر..؟..ليلي دونه اتعس

يتساوه يوماه البشر كلبه ميخشع..؟..لاحول بالله على الجسمِ المقطع
اعوذ بالله..؟..اعوذ بالله

**********
خلي ابصدرك..لوعته اتكسرك..؟..عاشك ابحبه تذوب
الشوفته عاشك..بالعشگ شاهگ..؟..والله يرفعها الذنوب
ضحى لعيونك..وانرفع راسه..؟..حته بذنوبك تتوب
اذكر الطعنه..وصلت الصدره..؟..طعنته تكسر اكلوب

الجرح الحسين..؟..فشله ماتبچي العيون
الجرح الحسين..؟..حسين محبوب الظنون

عالمات ويلاه والحزن بجروحك اطبع ..؟..لاحول بالله على الجسم المقطع
اعوذ بالله..؟..اعوذ بالله

*******
حالف امن البس...وابقه كل عمري..؟..اسود وابقه ابحداد
شلون ماأبچي..لأجل أبوالاكبر..؟..يبچي اعليه الجماد
كلبي إله جمره..والله مااعذره..؟..كون مانلبس سواد
والطم ابصدري..مجلسه احظر..؟..وابچي چن سبع الشداد

واذكرالماي..؟..وابچي مكطوع الجفوف
واذكر الماي..؟..وابسبيله آنه أطوف

ابكي اشتكي والله في القلب مصرع..؟..لاحول بالله على الجسمِ المقطع
اعوذ بالله..؟..اعوذ بالله

**********

الحمدلله رب العالمين
ديوان
دموع الهاشميات
الجزء الخامس

شبكة الوادي الثقافي - السـيــــد هــــادي الموسوي الناصري ـ العراق - السبت 31 / 07 / 2021 - 10:33 صباحاً زيارات 555 تعليقات 0