واصل محرم

اللهم إني أسألك باسمك العظيم الأعظم الاجل الأكرم المخزون المكنون النور الحق البرهان المبين الذي هو نور مع نور ونور من نور ونور في نور ونور على نور ونور فوق كل نور ونور يضيئ به كل ظلمة ويكسر به كل شدة وكل شيطان مريد وكل جبار عنيد، لا تقر به أرض ولا تقوم به سماء ويأمن به كل خائف ويبطل به سحر كل ساحر وبغي كل باغ وحسد كل حاسد ويتصدع لعظمته البر والبحر ويستقر به الفلك حين يتكلم به الملك، فلا يكون للموج عليه سبيل وهو اسمك الأعظم الأعظم الأجل الأجل، النور الأكبر الذي سميت به نفسك، واستويت به على عرشك وأتوجه إليك بمحمد وأهل بيته أسألك بك وبهم ان تصلي على محمد وآل محمد.

واصل محرم

واصل محرم
الســــيــــدهـــادي الموسوي الناصري

واصل محرم مثله كل عام..؟..وإتذكرينه هـــوايَ خدام
هاي السنه نفكدهم هواي..؟..ذاك إبعزه والثاني مشاي
شوفة صورهم صارت الام
*******************************
ميتين لكـــــن بالكلب.....وإعليهم دموعك تصـــب
(فاركونه فاركونه)
نذكرهم ابحسره ودمع....نتـأمـل اونشعل شمــــع
(مايجونه مايجونه)
اذكــــر سوالفهم چنت....ابـــداً مثلهـــم ماشفــت
(عذبونه عذبونه)
كلش يشلعون الكلب....احچيهه وابموقف صعب
(لوعونه لوعونه)
راحوا بقت بـــس النياشين..؟..ظلت قطعهم عالحياطين
وياهم اذكر ضحكي واصباي..؟..ذاك ابعزه والثاني مشاي
شوفة صورهم صارت الام
*******************************
يالعـدهم احلام اوأمــل....يشرونهه إبهـذا العمـــل
(من يموتون من يموتون)
عالخدمه جانـت امنيـه....اعـظـم إواكبــر تضحيـه
(همه يرجون  همه يرجون)
إخـــوان وإبعمر الورد....بيهـم جـراحاتك تــشــــد
(گلي اشلون گلي اشلون)
تركولنه بـــس الأثــــر....بغيابهـم مـــات الخــبـر
(مايعودون مايعودون)
إشمحلاتهم چانوا يضحكون..؟..وسط المجالس من يلطمون
رغم اختلاف النظره والراي..؟..ذاك إبعزه والثاني مشاي
شوفة صورهم صارت الام
*******************************
إعـــزازعاشوا بالنظر....مــــا...ودعونه بالسفــر
(ننتظرهم ننتظرهم)
وكلوبنه إنترست حزن....والروح مشتاكه إوتحـن
(نبچي إلهُم نبچي إلهُم)
عالحايط أسماء إبقطع....تركولنه بـــــس إلوجـع
(ياصورهم  ياصورهم)
صارإلغروب إوماإجوا....عالفركــه خاف إتعلمـوا
(ياهجـرهـم ياهجرهـم)
ظلوا صور وإمكابله إلعيــن..؟..يـانـاس كـلهم والله طيبين
صار الغروب وإبني ماجاي..؟..ذاك ابعزه والثاني مشاي
شوفة صورهم صارت الام
*******************************
بغيابهـم محني الظهـر....بيـنـاتـنـا تركوا أثــــــــر
(وإبصورهم وإبصورهم)
بالهيمه نامـوا بإلكـبُر....دلالـنـــا إشيحمل صبُـــر
(ظـل أثرهم ظـل أثرهم)
أحلامهم مثـل الــورد....تـحـــت التــراب إوماترد
(يـاجمرهـم يـاجمرهـم)
بالليل نشعل بس شمع....وإبدالنه إيصـب الدمــع
(عن ذكرهم عن ذكرهم)
مامش رجوع أنكابل الباب..؟..ماظن يعودون إمن الغياب
عينك تشوف الراح والجاي..؟..ذاك ابعزه والثاني مشاي
شوفة صورهم صارت الام
*******************************
أكبـــل محــرم والبچي....نــذكرهم إبـــذاك إلحچي
(عالمنابــر  عالمنابــر)
أنشد يرجعون إلمشوا....إيذكرونه لمَــن فاركوا
(إلنه خاطر إلنه خاطر)
يتراب هم ترحم هلي....خطار صاروا عد علي
(هُوّه حاضر هُوّه حاضر)
خــدّام لأبنـه إوعترته....واليـوم صعـبه حالتـه
(ماله خاطـر ماله خاطر)
صارت ونستك بين الكبور..؟..واجـب تكلهم صار عاشور
جبت القصايد كلها وياي..؟..ذاك ابعزه والثاني مشاي
شوفة صورهم صارت الام
*******************************
والكـــاع بيهــم تنتشي....وتحضرينه إعله المشي
(مــــانسينـه  مــــانسينـه)
جانوا يشيلون العــلـم....ويـــانـه وإبنـفـس الألـــم
(تجري عينه تجري عينه)
شتكول أمــك هالشهر....خادمكم إبـروحه حضر
(بس ونينه  بس ونينه)
بالضحكه شاركنه ورحل....دلالـه ماشايل زعــل
(يــاحنينـه يــاحنينــه)
ميتين إنتم لوتسمعون..؟..بيــن الـمكابـر تـلطـمون
صار اللطم وأدريه وفّاي..؟..ذاك ابعزه والثاني مشاي
شوفة صورهم صارت الام
*******************************
الحمد لله رب العالمين
ديوان
دموع الهاشميات
الجزء الخامس

شبكة الوادي الثقافي - السـيــــد هــــادي الموسوي الناصري ـ العراق - الأحد 8 / 08 / 2021 - 05:44 مساءً زيارات 378 تعليقات 0