الوداع ــ - السيـد هـادي الموسوي ـ ام حسين المحمداويه ـ العراق

اللهم إني أسألك باسمك العظيم الأعظم الاجل الأكرم المخزون المكنون النور الحق البرهان المبين الذي هو نور مع نور ونور من نور ونور في نور ونور على نور ونور فوق كل نور ونور يضيئ به كل ظلمة ويكسر به كل شدة وكل شيطان مريد وكل جبار عنيد، لا تقر به أرض ولا تقوم به سماء ويأمن به كل خائف ويبطل به سحر كل ساحر وبغي كل باغ وحسد كل حاسد ويتصدع لعظمته البر والبحر ويستقر به الفلك حين يتكلم به الملك، فلا يكون للموج عليه سبيل وهو اسمك الأعظم الأعظم الأجل الأجل، النور الأكبر الذي سميت به نفسك، واستويت به على عرشك وأتوجه إليك بمحمد وأهل بيته أسألك بك وبهم ان تصلي على محمد وآل محمد.

الوداع ــ - السيـد هـادي الموسوي ـ ام حسين المحمداويه ـ العراق

الوداع

- السيـد هـادي الموسوي ـ ام حسين المحمداويه ـ العراق -

شلون اودعه؟ المحني ضلعه؟ عالخيام
روحه شمعه؟ تذوب دمعه؟  عالخيام

كسرتك كسرة (خصام)
اقره على الدنيا (السلام)
خويه يحسين ••خويه يحسين

***********

ناطرت ليلي بكحلته
والصبر،خيّم (دليلي)
يذرع بروحي المسافه
شگدصبر رايد عويلي
لومسح كحلةعيونه
وضل اثر يشبه غليلي
للوداع الكله عشره
وي عزيزي وخليلي
شلون اقنعه؟صبري ينعه؟عالخيام
شفته ينعه؟ يقيس وجعه؟عالخيام
بسچة جروحي(ازدحام)
اقره عالدنيا (السلام)

خويه يحسين ••خويه يحسين
ام حسين المحمداويه

***********

إتدرعت وانه ابحسرتي
شأرد أكلّه بالوداع
چن سفينه بريح عالي
منها مكسور الشراع
شأرد احاچي الغالي عندي
بعدك انه للضياع
والنفس مخنوگ عندي
هذا اخر اجتماع

گلّي دمعه..؟..شلون ارجعه..؟..عالخيام

ارجع اسعه..؟..ابكلبي لوعه..؟..عالخيام

ضاع بالساني( الكلام.). ؟..اقره عالدنيا (السلام)
خويه يحسين..؟..يحسين
*السيد هادي الموسوي

************
ضاع بلساني الكلام
والفراگ دروبه( كلفه)
لاتبارحها الـــنواظر
صدلي يابو روح (شغفه)
عاين لذبحت وداعك
ذبحت جم  روح (ترفه)
صدعتي ايوب بمحنته
بگد عمر نوح(التعرفه)
بخدي صفعه؟ بنار لسعه؟ عالخيام
باچر العه؟ تصير فجعه؟ عالخيام
چن مطر تغدي( السهام)
وقره عالدنيــا (السلام)
خويه يحسين ••خويه يحسين

ام حسين المحمداويه

************
الياكتر يحسين كاصد
باجر إيصبّح طويل
تدري صبرك موش عادي
شامخ وصبرك نخيل
والعطش نار ابدليلك
نار نمرود الخليل
والسهم طفاها لكن
كطّع ابتوت الدليل

روحي صارت..طيره طارت..؟..عالخيام
بعدك انت..شيبي جبته....عالخيام

بيش اشكفها السلام ..؟..اقره عالدنيا السلام
خويه يحسين..خويه يحسين

هادي الموسوي

************
باچرك اويبدي بصباحه
يسابگ الريح (النزال)
نحور باعتها السنين
واشترت  بيها (المنال)
تعاين الكربله تخضر
چم غصن  راوي (بزلال)
تكبر سيوف المنايا
من تصد هيبة (دلال)

تضيگ وسعه؟ من تشيعه؟عالخيام
طفه شمعه؟ يدمي وضعه؟ عالخيام
جاسم بشوگ (الهيام)؟؟؟
اقره عالدنيا (السلام)؟؟؟
خويه يحسين••خويهةيحسين

ام حسين المحمداويه

*************
باجر اعله الكاع طايح
والدي اتشوفه اعيوني
يشبه النكاط نفسه
اوريّته دم ابجفوني
زينب اتهفي ابعبايه
امزرفه الشمس المنونِ
تخاف من خيل الاعادي
اسمع اصهيل واجوني

هالعبايه..صارت آيه..عالخيام

حامي صارت..خيل دارت..عالخيام

والعبي اجناح الحمام..؟..اقره عالدنيا السلام
خويه يحسين..خويه يحسين

هادي الموسوي

شبكة الوادي الثقافي - السيـد هـادي الموسوي ـ ام حسين المحمداويه ـ العراق - الثلاثاء 10 / 08 / 2021 - 07:18 مساءً زيارات 425 تعليقات 0