نعي عن مسلم
*******
كيف حال مسلم
وحيدا بعد مقتل اصحابه وانسحاب الاهالي عنه بأمر شيوخ القبائل الخونه وقسم من الاباء سحب ابنائه عن نصرت مسلم

فاصبح

وحيد ابلاعشيره اوهلك غياب
عليك اليوم داروا كلهم اجناب
وعينك ها.. يمسلم تظل عالباب
والجاب الرسايل طلع جذاب

هنا طوعه تكلمه
           ********
انه كلبي عليك اليوم مهضوم
كل شارع يمسلم غده ملزوم
واحس دار الضيافه طوقه الكوم
الأجل مامنه مسلم للحرب كوم
راريهم شجاعة حيدره اليوم
(وادريبك بطل ياابن الاطياب)

جواب مسلم لطوعه
       *******
تذكريني يطوعه بهاي الجيوش
وانه ابسيفي منيه بيهم تحوش
عزرائيل چن شاهين وينوش
كبل لااموت دزي الكربلا طروش
(وادري حسين شوفه اعله الدرب شاب)

وها هو الخبر يصل لكربلاء...؟
يعرف الاطفال بشهادة والدهم مسلم

يتاماك يتاماك..غدينه اليوم يامسلم يتاماك
حلم ذاك حلم ذاك..تره مات الحلم من ياوالدي ذاك
تعناك تعناك..لوحاضر علي ابشخصه تعناك
وياك وياك..حميده تكول بويه ريتنه اوياك
ننعاك ننعاك..نشوفك ميت اوكل احنا ننعاك
وحيده وحيده..حميده اخلافك اتعاني وحيده
اعله ايده اعله ايده..تنام الچانت الليل اعلى أيده
يعيده يعيده..تنادي حسين عمها من يعيده

************
الشاعر#هادي_الموسوي