قصيده للعليله ع

الليله دمعـه تنزل بجفـنج يالعيون
صعبه اليـفارك حبايب مايـرجعون

تبجيهم العين  .. لفراك الحسين

ـــــــــــــــــــــــــ

الليله صعبه .. واليودع يهمل الدمعه ونينه
يرحل اشلون .. آه من ضيم الهجر يحرك حنينه
هل عفتهم  .. صعبه صارت يادمع يحرك بجينه
ماحسبته ..  هيج يبعد عنه ما يرجع ولينه


ويلي محنيه اضل هاي المسيه
وابجي افراك الاهل اليوم المنيه

اذاني الاونين  ... لفراك الحسين  

ـــــــــــــــــــــــــ

ليش عني .. كلهم الليله مشو وعني  يكطعون
مايكولون .. طفله مهضومه بمرض عنه يروحون
حالتي اشلون ..گاتلني الوجع وانه اصبر اشلون
ميته ياريت .. وماشوف الاهل عني يبعدون


ابقه مهضومه بحزن والمرض بيه
حتى ايام الـــدهر صــعبت  عليه

وماكدر سنين  ... لفراك الحسين

ـــــــــــــــــــــــــ

ياهضيمه .. راحت ايام العمر حسره بحسافه
وعكب اهلي ..ماشفت بس الهجر والنزل عافه
اشلون اصبر ..راحت احلامي بعد اصعب وصافه
هاي العيون ..تحمل اشلون البعد تصبر تجافه


ريت وياهم اضل وامشي بدربهم
روحـي وياهــم تحن لا مااملــهم


وعذبني الحنين .. لفراك الحسين
ـــــــــــــــــــــــــ


ياغربتي ...ابقه مهضومه اون عكب الحبايب
ومااملن .. دمعي يجري بالحزن وكلبي ذايب
ريت يمهم .. مااعوفنهم ابد واحمل  مصايب
ياحسرتي ..حسين عايفني بعد وعني غايب

شلون ينساني اضل ماخذ العيله
وسفه خلاني بحزن وانه العليله


وخلاني بالبين ..  لفراك الحسين  

ـــــــــــــــــــــــــ

ام عبدالله السراي