(هزّي بجذع نخله) هزّي ابجــــٕـــذع نخلــــةصبر
تتســـــــــاقط ايام العمـــــر؟؟؟
ام عيسى طاحـــــــلها الرطب
وانتي ابشليلچ بس جمـــــر؟؟؟
يزينـب•• يزينـب
ـــــــــــــــــــــــــــــــــــــــــــــ

معصومه والعفّه الـــچ
منچ يتوجها الفخر؟؟
مشيتچ مشية فاطــــمه
كل شي يغضلها النظر؟؟
والماعرف كـدرچ ابد
اعمى البصيره موبصر؟؟
أبعمران وابنيته المثــــــل
بس مالفاهم كل خطر؟؟

وجه التشابه بيه سبب..؟..حكمه ومعاجز هالحسب
يزينب ..؟..يزينب
ــــــــــــــــــــــــــــــــــــــ
الله يمــــريم فاطمه
قاسيتي ايام  أوجرن؟؟
وحده بأثر وحده تشد
ياراهبة دنيه إلمحــن؟؟
مريم بعد هزت الجذع
ردت ابعيسى المؤتمن؟؟
يازينب انتي ردتـچ
بيدچ مصاب اهل الحسن؟؟

القديسة ماشافت سبي..؟..معصومه بتراب العبي

يزينب••؟..يزينب
ــــــــــــــــــــــــــــــــــــــ
عيسى تكلم بالمـــــــهد
نــزّه شرف امه اوســـكت؟؟
لكن اخوچ عله الرمـــــح
بيّن حقائق إنمــحت؟؟
ابمعبد ام عيـــسى المائده
تنزل عليها كل وكـــــت؟؟
وأنتي خرابه إبلاســـــگف
واساچ بس دمع اليكت؟؟
كلها إتعرَف هاذه الخبر..؟..يالخضتي طوفان الذعر
يزينب ••؟..يزينـب
ــــــــــــــــــــــــــــــــــــــــــــــ

إبروحج مراسـيم الفزع
نفخة الصور ابشهگتچ؟؟
ياموقف ارسم ياصـــور
يلي چبيره امصيبتچ؟؟
مريم وابنها شــــاهدت چم قدس صله بقبلتچ ؟؟
من بـَعِدوها من الوطن
إتگبعت بيها  عبايتچ ؟؟

نزحت اومحميه الطنب..؟..اوجتفچ بنزحج ينضرب
يزينب ••؟••يزينب
ـــــــــــــــــــــــــــــــــــــــــــــ
ضربو  كيان العاطـــــــفه
يالماكـــو مثل إمْحنتج؟؟
يابنت باء البسملــــــــه
اوسبع المثاني كلهاالچ؟؟
قرآن ناطق ملهمــــــــه
وآيات گادت معصمــچ؟؟
قربانچ يعاين عليـــــــج
عوذالخطوة خطوتچ؟؟

  اسم الله يگلچ وعلي..؟..سيده اوغصنچ مخملي
يزينب ••؟••يزينب
ـــــــــــــــــــــــــــــــــــــــــــ
ياسيــــــده بت فاطمه
ياعالمه وأنتي العلـــــم؟؟
صح مريم اوست النـسه
  خطها بزمنها هالقــــلم؟؟
بس انتي دســــتور انوضع
جبريل بـــي وقع كَلــَـم؟؟
زينب مداد القائمـــــــــه
من العابد الراعي الالــــــم؟؟

للمهدي  حسن الخاتمه..؟..المنقذ يسوي مأتمــه/
يزينب ••؟••يزينب
ــــــــــــــــــــــــــــــــــــــــ
الشاعرهام حسين المحمداويــــــــه