صوت الحق
* * *
ياصوت اللي صحه العالم لا للذل هيهات
لاء حسين البلطف دوّت صعدت للنجمات
شبل حيدر بعزم قرر
لا للــــــــذل هيهات
* * *
دين الله للديـــن اشتكـــــه هل دمعته ويحشمه
من شاف مغرور الرجس عالخلك زادبظلمــه
بيـــدك يبن سيــد الرســل ابني الأركان بهمه
وجان الهدف من اعتنـــه اصلاح هاي الأمـه
بيه استنجد دين الباري يحسين وناداه
ايزيد ايهدم شرع الله ويتماده بطغواه
شكه بهمه لبو اليمه
لا للذل هيهـــــــات
* * *
ثدي الرساله منرضعه اتشرب بكل جسمــه
وشجرة الايمان كبرت خالطت دمه ولحمـــه
القرآن منهج سيرتــه ومنطق لسانه الحكمه
وبن الطليق ابمنهجــه لفرعون جاره بجرمه
سكران وفاجر ويهدم كام اركان الديــــن
ولمثله ابدن لا ميصافح لا لا جف حسين
صدّر اعلان من الميدان
لا للـــــذل هيهــــــــات
* * *
لمن وكــــــف بيهم خطب صوت الوعظ والأرشاد
ومن شاف كل ذاك النصح ويــــه الكفــــر لا مافـاد
عالخـــــد دمع عينه جــره خايف بيـــــوم الميعـــاد
لنها بسبب جتلـــــــه تطب للنار هــــــاي الأوغــاد
بيده حسين لدين الباري ثبتلــه الأوتاد
ما ساوم ابدن ماساوم اشياع ابن زياد
كتب عنوان لكل انسان
لاللـــــذل هيهـــــــات
* * *

طود الأبه لمن وكف بالطف تحده الطاغوت
سبعين الف ماهمتــه تحدّاها وعليها ايفــوت
سجيل سيفه بيمنتـــه يفنيها يكدر مبخـــــوت
لاجن امر رب السمه عليه نزل كون ايموت
يسيوف اتعنيني بهمه صاح بصوته حسين
بدم المنحـــر لمن يجري يتشيــــــد هالدين
ضحه بعمره ابو العتره
لا للـــــذل هيهـــــــات
* * *
عليه صلّت سيوف العــــده وتوضت بدم النحـــــر
وعالرمح راسه من ارتفــع آيــــات رتلهـــا وسوّر
ذل الزمــــن طخ هامتـــــه دم هلّت عيون الحجر
ولن صرخه من جبد السمه الدم عله السيف انتصر
ظل حسين تشع انواره لا أبدن مامات
والشاهد بالطف الشاهد لا ميريد اثبات
يشع نوره من تزوره
لا للـــــــــذل هيهات
* * *