ظ‚ط§ط¦ظ…ط©
مصاب الحسن
وتشوفين الحسن لا ما هجعتي
يصارع بالألم بلآه ولحسره
سجاجين التكطع جبده وتوذره
*** *** ***
تمنيتج يفاطم ليه تحضريه
يطك صبرج ييمه من تسمعيه
ترس جبده الطشت دمه تشوفيه
يلوج من الألم والألم ماذيه
والحسين دمع عينه يهلّه
يحاجيه يبو محمد يكله
يهوّد بالكلام عليه ويصبره
وسجاجين التكطع جبده وتوذره
*** *** ***
سمعته ايكله خويه حسين شيله
الطشت لتشوفه بت حامي دخيله
تشوفه وتنفجع خويه العقيله
ويهد حيلي دمعها من تسيله
يلحسين أظن كربت منيتي
الأمر ليك أردنه بوصيتي
آ يبني يجاسم عمك اتنصره
سجاجين التكطع كلبه وتوذره
*** *** ***
ييمه ولمن شفته حيلي هدّه
انمرد جبدي يفاطم مثل جبده
الكسر ضلعج ييمه عليه تعده
شهر سيفه الطليق علينه مده
والعيون يظل يجري دمعها
والمصاب لعد روحي فجعها
مكسور الكلب يايمه شيجبره
سجاجين التكطع جبده وتوذره
*** *** ***
اخوي الراح وسفه وكضه بسمه
وعليه يجري دمع جفن ابو اليمه
وبناتج ذني مفجوعات يمه
ييمه وجاسم بدمعه يكلمه
اويلاه يبويه الجرح مايشفه
لما اموت يضل ماينكطع نزفه
توصيني اعله عمي وآنه طوع امره
سجاجين التكطع جبده وتوذره
*** *** ***
انفجر صبري ييمه الكلب شيهوده
اخوي الراح مني وبعد شيرده
شكولن من تجي الوفاد وتكصده
راح الوالي سافر ما اله رده
يشوفون الدار الحزن غاطيها
والعيون ما جفت مآقيها
ويطلع جاسم ومخنوك بالعبره
سجاجين التكطع جبده وتوذره
*** *** ***
مظلمه الدنيه وحشه عكب عيناه
الحزن ثوب ولبسته وأبكه انعاه
مشه وشال الكرم والجود وياه
وخله النوح اللي والون اويلاه
ييمه وراحت وياه المحنه
الج مشتاك يايمه تعنه
تلكي ابنج اجاج اليوم يازهره
سجاجين التكطع جبده وتوذره
*** *** ***
ط´ط¨ظƒط© ط§ظ„ظˆط§ط¯ظٹ ط§ظ„ط«ظ‚ط§ظپظٹ - الشاعر ابو احسان الهلالي - 9 / 12 / 2013 - 06:51
زيارات 962 تعليقات 0
شارك المحتوى عبر مواقع التواصل الإجتماعي
ط¹ط±ط¶ ط§ظ„ط±ط¯ظˆط¯
أضف تعليقك