يابويه كَلبي عليك كل لحظه هايم

اللهم إني أسألك باسمك العظيم الأعظم الاجل الأكرم المخزون المكنون النور الحق البرهان المبين الذي هو نور مع نور ونور من نور ونور في نور ونور على نور ونور فوق كل نور ونور يضيئ به كل ظلمة ويكسر به كل شدة وكل شيطان مريد وكل جبار عنيد، لا تقر به أرض ولا تقوم به سماء ويأمن به كل خائف ويبطل به سحر كل ساحر وبغي كل باغ وحسد كل حاسد ويتصدع لعظمته البر والبحر ويستقر به الفلك حين يتكلم به الملك، فلا يكون للموج عليه سبيل وهو اسمك الأعظم الأعظم الأجل الأجل، النور الأكبر الذي سميت به نفسك، واستويت به على عرشك وأتوجه إليك بمحمد وأهل بيته أسألك بك وبهم ان تصلي على محمد وآل محمد.

يابويه كَلبي عليك كل لحظه هايم

يابويه كَلبي عليك كل لحضه هايم
يابويه ريــــت اليوم ترجعلي سالم
عيوني التصد للباب.......منتظره طيفك غــاب
يابويه كَلبي عليك كل لحضه هـايم
********************
انا العلــــيله فاطـــــمه وشكيـــلك اليوم
بعدك يكَلبي المنجرح كل لحضه مــلجوم
طير انكسر جنحه وبـــعد مايكَــــدر ايحوم
شخصك عليه من غبت بدموعي مرسوم
جم لوعه كَلبي انصاب........من فـــــــركَة ألاحباب
ظل بـــــيه ذكــــرك شـــوكَ بعيوني نايم

يابويه كَلبي عليك كل لحضه هايم

********************
حــــال الدهر بيه اشعمل ذبنـي ورمـاني
ضــــــــــاكَ النفس بيه وبعد مـابيه اتاني
جنــت ابأمل تـــــرجع الي اردود ألاْمـاني
وأتـــخيل اطيوف ألاْهـــــــل فرحة زمـاني
للغيبه هاي اسباب.......,ظنــــي ابـد ماخاب
بــــهذا الخـــــــبر مرســـال يعلمني لازم
يابويه كَلبي عليك كل لحضه هايم
*******************
يالي غــــــــــبت عني وبعد ماظنك اتعود
عمري اطــــشه لــو تـرد ابـــــدربك اورود
يالــــــردتك العيني نضر ليـــــامي السود
تواسي الكَلب بعدك صفت دمعات الخدود
جــــرح البعد ماطاب.......وبفكري مية احساب
لــــــــــــــوحة حزن بالروح وبكَلبي راسم
يابويه كَلبي عليك كل لحضه هايم
*****************
مشتاكَه يابــــــــويه بعد لهلي المـيامين
مشتاكَه اشم نحر الطفل وجفوفه والعين
مشتاكَه للاْكبــــر بعد وكـــــل المبعدين
ومشتاكَه والزينب أحن كل لحضه بسنين
ولن الخبر شـو جاب.........بصـوت النعي وعتاب
عالغـــــبره بس روس وجثث كل الهواشم
.يابويه كَلبي عليك كل لحضه هايم
******************
يلنــــاعي وين بيـــــا كـتر بلغني عنـهم

أبهيمه

لو ديره شفــــــت ساير ظعنـهم
وجـــان الخبر روس لاهل مرهونه عدهـم
وخيل العـــده بعد الذبح داست جثثــهم
مو راسي كَلبي الشاب.........ودلالـي بــــلهـــم ذاب
مــــن الــــــزغر بيه الحزن يادنيـــه جاثــم
يابويه كَلبي عليك كل لحضه هايم
****************

شبكة الوادي الثقافي - الشاعر حسين العابدي - الإثنين 9 / 12 / 2013 - 07:05 مساءً زيارات 924 تعليقات 0