ابهومه اجيت وهودج براسي سؤال
لكربله وعين الدمع من عيني ســال
اشلون شمس الله يجتفوها ابحبــــال
وعالهزل تمشي بيسر ليزيدها
*** ***
اشلون ظلت حايره بت الرسول
وسحكت ايتام النبي ذيج الخيول
وين كافلها ابن فحل الفحــــــول
المثل حمزه للاسود ايصيدها
*** ***
وين الاكبر وين جاسم والحسين
والهواشم واخوة العباس ويــــن
اشلون تقبل يجسر عليها اللعين
بسوط يضربها وتشاجف بيدها
*** **
اشلون اصدك والدمع مني يسيـــل
اشلون زينب ركبوها اعله الهزيل
والحرم وايتام مجتوفه وعليــــــل
وقرعت اطبول ال اميه بعيدها
*** ***
ارد اناشد وادري هالموقف صعب
بلايه وليان وحرم تمشي ابـــدرب
من يعدللها المحـــــــــامل بالركب
والايادي امجتفيها بكيـــــــــدها
*** ***
وعر درب الشام والحادي زجر
واليتامه تلوع من سوط الشمر
طبت ارض الشام وبلايه خدر
سهام نظرات الشماته اتجيدها
*** ***
آه يازينب يبت حامي الحمـــه
كعدت اشلون ابخرابه امهدمه
فراشها تراب اوتغطت بالسمه
وفوك نار البيها نار اتزيدها
*** ***
فوك راسك يلمحب هيــــــل التراب
اواسي زينب بت علي بهذه المصاب
خل نعزي فاطمه وداحي البــــــاب
وخلي هالذكره ابعزانه انعيدها

**** ***
خادم اهل البيت
ابو احسان الهلالي