موحشه الدار اومظلمه   من طفه نور الزجيه
والحزن خيم عليها    عكب شمس الله الزهيه
وي حسن وحسين ناحت  زينب بهاي المسيه
وياهم الاملاك ضجت    وشعظم هاي الرزيه
والدمع شلال يجري   هلت جفون البريه

بدمع تنعه فاطمه    هلت عيون السمه
والوحي جبريل كبر  عظم الله اجرك يحيدر
*************       **********
اشلون من غسلها حيــدر  والضلع شاهده بعينه
ومن نظر عالخد وشمها   سطرة اليد اللعينــــه
حسره جراها الصميـــده  هزت اركان المدينه
صبر بركـــــــانه تفجــر  هلت دموعه الحزينه
آه يا بضعــــــة الهـــادي  ولزمته وصية نبينــه

من اصحــــــاب المشئمه  النار ظلت مضرمـه
بحزن كـــون الله تكــــدر  عظم الله اجرك يحيدر
*********          ***********  
يلحسن وحسيـــن نــــاده   كوموا لامكم ودعوها
بعــــد هالساعـــه يبويــه   للبتول اتفاركـــــتوها
بلوعه من شبكوا عليهــا   بالدمـــــــوع ايقبلوها
حنت الزهــره الزجيــــه   وأنت الكل اسمعوها
ونت وحنــت عليـــــــهم   والله الاملاك افجعوها

وصوت زينب المّـــــــه   تصيح يا حامي الحمه
اشلون افارج امي اكــدر  عظم الله اجرك يحيدر
***********         **********
بهدوه من الليل فاطم   حيدره من شيعاها
ياصبر كلي اليحمله   بالكبر من نزلاها
اتفجرت عبره اعله خده  باللحد من وسداها
سلم اعله الهادي حيدر بالدمع ناده يطه
الك رديت الوديعه   كوم وانشدها اشدهاها

من فعل هالظالمه   الصدر هالينزف دمه
والكلب نيرانه تسعر  عظم الله اجرك يحيدر
**********       **********  
والكبر اخفاه حيدر  الها نفذها الوصيه
وبعد ماكمل دفنها   هاجت احزانه الخفيه
وجرح الفراك بدليله  ينزف ليوم المنيه
مايظل خل وي خليله  بهاي دنيانه اتلدنيه
وباجر الباري يفاطم  الج يحكم بالقضيه

حطب نار الحاطمه   اللي غضبوا فاطمه
والدمع لجفونه وذر   عظم الله اجرك يحيدر
*********         ********         

                            خادم اهل البيت
                           ابو احسان الهلالي