عظمَ اللهُ لــــكَ الأجــــــرَعليـــــــــا
*****   *****
والله گلب المرتضى حَس ابوجـــــل
من اجوه الحسن وحسين ابعجــــــل
يجري دمع عيونهم عالخد نـــــــزل
أُمُنـــــا الزهراءُ ماتَتْ يا ولِيـــــــــا
******   ******
من رجع للبيت من شاف البتــــــول
نامت بحضن الأجل بنت الرســول
آه يا عظم المصاب اشگد مهـــــول
لِفــــــراقِ فاطمٍ بعــــــدَ النبيــــــــــا
******   *****
اشلون من غسل الطهر الطاهـــــره
والضلع مكسور شافـــــــــه بناظره
وشاف وشم السطره عالخد ظاهره
أيٌ صبرِ يحمــــــلُ قلبَ الوصيــــا
*****    ********
صاح يا زينـــــب ويحسين وحسن
ودعوا أمكــم بعـــــد ما لفها ابكفن
وبنعشهه سنين عمــــــره اتوسدن
وبكــــــاءٌ في السما كــــــانَ جليا
*****      *****
ناحت املاك السمه وفاض الدمع
وعالغصون الطير ينعه منفجـــع
لآية القربى وكسر أشرف ضلـع
وتعزي االمصطفى سيدُ البرِيـــا
*******    ******
شيّعاهه بليل حماي الدخيـــــــل
ودرع دين اسلامنه دمعه يسيل
مايضل بالدنيه خل ويه الخليل
وعليها الحزنُ يبقى سَرمديــــا
******      ******
نَفَّذ اشما وصتـــــــه بيه فاطمه
والقبر أخفاه حماي الحمــــــــه
وصارت الدنيه بعيونه مظلمه
يالسرِ القبـــــرِ إذْ يبقى خفِيــــا
******   *******
ندعوا رب الكون تعجيل الأمر
ويظهر الموعود يوگف عالقبر
وياخذ بثاراته من اهل الغـــدر
أين من كسَّر ضلع أمي الزكيا
*****     *********

                  خادم اهل البيت
                 ابو احسان الهلالي