ننشد الكرار ونريد الامر
ندفن الزهره الزجيه بيا كبر
*** ***
بهدوه من الليل هالنعش انحمل
باللطم والنوح والمدمع همل
ياصبر يحمل كلب خير العمل
عفه كلبه مايطك وينفطر
*** ***
للبقيع النعش ياحيدر وصل
ياعلي والكبر وين بيا محل
والعذر وياك ياخير العمل
هالامر تخفيه يافارس مضر
*** ***
ملتزم نص الوصيه بكل فخر
وللكبر ماخله حيدر كل اثر
لحد ما يظهر ابنها المنتظر
يوكف اعليه ويبينه بيا كتر
*** ***
فاطمه امنه والابن لامه يحن
واجب ايزور الكبر بعد الدفن
سرها يبقه بالكلب ماينعلن
عليها نبجي وننتحب طول العمر
*** ***
بعصرة الباب انهشم منها الضلع
وسكط محسنها وبكت تجري الدمع
آه وا ويلي وكلبها المنفجع
اتجاوز حدوده النذل والها سطر
*** ***
مارعوّ حرمته بت سيد البشر
والضلع مكسور ظل لا منجبر
بالصدر لليوم باقي هالاثر
كوم يالمهدي بعد كافي صبر
*** ***
لشوكت صابر اما آن الاوان
اتعله نجم الباطل بهذه الزمان
لليواليكم صبح ماكو امان
يمته فجرك سيدي علينه يطر
*** ***
يمته بيدك راية الحك ترتفع
بجفك البتار وتغير الوضع
يمته صوت العدل يدوي وينسمع
وتعتني كبر امك اتطفي الجمر
*** ***
هل دمع عينك على تراب الكبر
واجبر بدمعك ضلعها المنكسر
واجلي همها واشفي للزهره الصدر
شيعتك لشوكت تبقه تنتظر
*** ***
خادم اهل البيت
ابو احسان الهلالي