هلاليه موشح تجليبه
**
ياعاشور جددت الحزن بينه
ويومك لاتظن والله ناسينه
** **
حنوّة سيف بهلالك اشوفنها
واشوفن دم يكطّر شفرتك منها
انذبح دين الله والاكوان احزنها
وفجع كلب الموالي ودم تهل عينه
**
دمعنه يفيض دم ونلبس الاسود
وتظل جمرة مصاب حسين ماتبرد
تشب وسط الكلب والنار تتوكد
وليوم الحشر تسعر تجوينه
**
بيك اشجم شباب الطاح عالغبره
عليهم دم دمعنه عالوجن يجره
وبيك حسين عالشاطي انكسر ظهره
من شاف الكمر مكطوعه جفينه
**
بيك جسين ظل وحيد بالميدان
لاناصر بكاله ولا بكتله اعوان
ينظرهم جثث متوسده التربان
وكرّب جيش اميه من صواوينه
**
يفت الروح مشهد بيك ياعاشور
عبد الله انفطم بالنبله دمه ايفور
محزوز الوريد بياذنب منحور
وي ون الرباب اليوم ونينه
**
ياشهر الكدر بيك اشتم الدخان
من حرك المخيم تصرخ النسوان
بيك اسمع عويل ايتام والرضعان

احضر ياعلي تندب يوالينه
**
اشوفن ايه بيك امكبعه ابهمها
تشاجف عن يتاماها بصبر امها
ومتون العقيله السوط ورمها
ولاعباس يمها ولا ابوسكينه

خادم اهل البيت
ابو احسان الهلالي