قصة اولاد مسلم عليهم السلام

دعاء سريع الإجابة

اللهم إني أسألك باسمك العظيم الأعظم الاجل الأكرم المخزون المكنون النور الحق البرهان المبين الذي هو نور مع نور ونور من نور ونور في نور ونور على نور ونور فوق كل نور ونور يضيئ به كل ظلمة ويكسر به كل شدة وكل شيطان مريد وكل جبار عنيد، لا تقر به أرض ولا تقوم به سماء ويأمن به كل خائف ويبطل به سحر كل ساحر وبغي كل باغ وحسد كل حاسد ويتصدع لعظمته البر والبحر ويستقر به الفلك حين يتكلم به الملك، فلا يكون للموج عليه سبيل وهو اسمك الأعظم الأعظم الأجل الأجل، النور الأكبر الذي سميت به نفسك، واستويت به على عرشك وأتوجه إليك بمحمد وأهل بيته أسألك بك وبهم ان تصلي على محمد وآل محمد.

قصة اولاد مسلم عليهم السلام

لمسلم طفلين...فرّو لاوين
والدهم بالكوفه استشهد...وحسين اعله الغبره امدد
فرو لاوين
***
حالتهم تهـــــد جبال.....مصيبتهم تشيب الراس
بعـــد منهو اليحاميهم.....عكب حسين والعباس
شردت خايفه النسوان....من هجمت عليها الناس
هامت خايفـــــه الاطفال.....خاف بخيلهم تنداس
ومن النيران ....وسوط العدوان
يجرون الدمعات اعله الخد...واليحماهم عنهم ابعد
فرو لا وين
*****
ايد بايد حطوها....وراحوّا بالبر يركضون
لاوين الوجه ينطون...هالطفلين مايدرون
مايدرون ابن زياد....خله بكل مسافه عيون
ما الهم شبه بالناس ....بين الناس ينعرفون
وصلو كوفان.....ظنوها آمان
وعيون الطاغي التترصد
مايسلم من عدهم احـــــد
فرو لاوين
***
لمن سمع ابن زياد....اصدر امره للسجان
سجنهم والسجن اظلم...بلا رحمه ولا وجدان
عليهم طالت المدّه....وما جف الدمع غدران
كاموّا نشدوّ السجان...تعرف داحي البيبان
تعرفونه منين ...وهل دمع العين
بنيران الخوف التتوكد
حيدر ياسجان النه الجد
فرو لاوين
***
فك باب السجن الهم ....ومنهم كام يتعذر
خطوة خوف ويركضون....ليل نهار وسط البر
يسيرون ومناياهم....تحوم عليهم وتفتر
ولمن وصلوّا البستان....كعدوّا والصبح اسفر
حمدوّا ربهم ......من خلصهم
ماظل حيل البيهم منهد
واحدهم عالكاع اتمدد
فروّا لاوين
***
واحد شابك الثاني.... وصارت بيه نومتهم
اجت الحرمه من البيت....تحت الشجره شافتهم
حسّوا بيها مرعوبين.....وعالخد جرت دمعتهم
كالت أمنو لاتخافون....انتو منين نشدتهم
لمسلم اشبال ....وحسين الخال
راحوّا ظلينه بلا مسند
من يسأل عنه ويتنشد
فروّا لاوين
***
طب الحارث الداره....والطفلين وسط الدار
ولمن عرف همه منين ...جرد بيده البتار
ارحمنه لزغر سنه...يحارث والدموع اعبار
اخذنه وبيعنه بالسوك....وانته اتحدد الاسعار
اعمل معروف....بهل البيت ضيوف
كال الهم لا ما اتردد
بيكم لابن زياد اتودد
فرو لاوين
***
نمشي وياك كالوله...لابن زياد ودينه
شهر سيفه وتعناهم ....والشر باين بعينه
شافو مايفيد وياه....راكب كل شياطينه
كالوله نصلي انريد.... يلحارث لبارينه
ماتنفعكم..... اليوم اذبحكم
لازم بيكم سيفي الينحد
اذبحكم والموت اتحدد
فرو لاوين
** *
ياهو اللي اذبحنه.... صاح بسيفي الاول
آنه ذبحني يالحارث....الجبير ايكله لا تسأل
الزغيرايكله اذبحني...كبله لسيفك اتحمل
واحد ودع الثاني....والمقدر عليهم حل
كص الراسين....وذب الجثتين
بجاري الماي الطاغي اتعمد
والمنحريصرخ يا احمد
فروّ لاوين
** **

خادم اهل البيت
ابو احسان الهلالي

شبكة الوادي الثقافي - الشاعر ابو إحسان الهلالي - الخميس 13 / 11 / 2014 - 10:50 مساءً زيارات 895 تعليقات 0