هالليله ابحزن وبنوح
****************
هالليله ابحزن وبنــــوح خل انعزي مهدينه
********** *************
آ ياجمــــــــرة المسموم تسعر والكلب مالوم
من عاشور ظل مهموم كبرة علتــــه ومهدوم
فايض بالدمع عينه
***************
من طف كربله العلـــــه ياصبر الذي ايحمله
ياهو المنفجع مثلـــــــه راحو جتل كل اهله
ظل يصفك ابجفينه
***************
والحاله الاشد واصعب عليه الجيش لمن هب
لخيام الحـــرم من طب يسلب بالخـــدر ينهب
حركوا كل صواوينه
*****************
تتلاهب خيامه بنــــار بالعله بكه محتــــــار
شاف بعينه كل الصار بت حيدر تدير افكار
بيه محتاره وتعينه
***********
عالهزل اسير بقيـــــد من الرجل من الاييد
مجتوف وخذوه ليزيد جتل حسين عدهم عيد
ما جن جده هادينه
***************
بديوانـــه فلا هابــه والحك طفح خنيابه
اشعل ثوره لهابـــه ضد يزيد واذنابــــه
وعليه سود سنينه
*************
عينـه اللي بكت تهمل دمعة نصر لامو ذل
سيف الدمعه من تنزل لعرش الظالم اتزلزل
مظلوم ونصر دينه
***************
دمعـه هزت الظالم فكــــربالغدر ناقـــــم
سم العابـــــــد العالم خل نبجي بدمع ساجم
وللباقر تعازينه
خادم اهل ابيت
ابو احسان الهلالي