جابوه الحطب هجموا هالاشرار
فاطم ياعمر گالوله بالدار
كال الهم وان نحركها بالنار
على البيها ولو سيد بشرها
**
عله ال النبي كشرها الانياب
واسس للحقد بيده والارهاب
وابو مره يسيره والفكر غاب
حركها الباب وبرجله كسرها
**
دفعها من دره فاطم وره الباب
لان لاذت وراها لستر الحجاب
رفسها اعله الزچيه والها ماهاب
وبين الباب والحايط عصرها
**
عصرها ونبت بسمار الرزيه
بصدرها وكسّر ضلوع الزچيه
والمحسن سگط فوك الوطيه
بالدم ويلي يتفايض صدرها
**
هوت فوگ الارض صاحت يفضه
ضلعي انهشم والبسمار رضه
واحس من الالم كلبي تشظه
وعمه عيني النذل لمن سطرها
**
تعالي بسرعه ليّه وسنّديني
على فراشي يفضه نوّميني
هدم حيلي الالم والله وجنيني
واحس بروحي يتلاهب جمرها
**
سمع ونها علي مسرع اجاها
كسر گلبي ونينچ يبت طه
واحس نار الگلب يطرد سناها
يزهرة دنيتي وانتي بدرها
**
گالت ياعلي بونه خفيه يبو الحسنين اوصيك بوصيه
بزينب والحسن وحسين اخيه
احسن گرّب لروحي امرها
**
وبعد مطلب يحماي الحميه
الظلمني ما اريده يمر عليه
نعشي بليل شيله واسري بيه
توصيه فاطمه يخفي گبرها
**
يضلعي تصرخ وغمض جفنها
دنت ليها المنيه وسكن ونها
الحسن وحسين اجوا ناشدوا عنها
لفاطم والله شوفتنه تسرها
***
عله فراش الاجل لمن لگوها
يويلي عليها شبگو يشموها
بدموع العين لامهم ناشدوها
فدوه اعمارنه لمنه وعمرها
**
يويلي اشلون من غسلها حيدر وشاف الضلع من عدها المكسّر
وزركه العين من سطرة المنكر
عفه روحه الوصي ماطگ صبرها
**
الوصيه نفذاها وشيع بليل
بسكته ولابچي ينسمع وعويل
نزلها الگبرها ودمعته تسيل
بلحدها ونظرة موادع نظرها
**
واراها وگعد ينحب يويلي
يگلها فراگج الصوب دليلي
بعد مايهنه عيشي ونوم ليلي
بعدچ المن اسراري اسرها
**
خادم اهل البيت
ابو احسان الهلالي