عزو دين الله ابعلي

اغلاق الموقع بشكل نهائي

سيتم اغلاق موقع شبكة الوادي بشكل نهائي قريباً .. نسألكم الدعاء وابراء الذمة..

عزو دين الله ابعلي

ليلة'>#ffffff]ليلة امصاب او فجيعه - غدرو ابحيدر يشيعه
الولي'>#ffffff]الولي انصاب الولي - عزو دين الله ابعلي
---------------------------------------'>#ffffff]---------------------------------------
ارد'>#ffffff]ارد اعزي كل موالي وارد اخص كل اليتامه
وللعدل'>#ffffff]وللعدل والحق اواسي وللمراجل والشهامه
صرت'>#ffffff]صرت اشوف الكون اسود عالخلك خيم ظلامه
نصاب ابو الحسنين حيدر منبع العز والكرامه
غدرو ابحيدر علينه - فجعو الهادي نبينه
خلي صوتك يعتلي - عزو دين الله ابعلي
-------------------------------------------
الله يلعنها السقيفه الحقد هيه اساسه
والغدر عنوان الها مو سهل حصره وقياسه
وابامر منعدها صادر انطبر مولانه راسه
والدمع ظل لسه يجري ما نشف بعيون ناسه
ننجرح ويصب دمعنه - بالولي كل ما سمعنه
الحزن ما ينجلي - عزو دين الله ابعلي
----------------------------------------
الجبان ابطبعه يغدر والغدر اول طباعه
والحقد عالوالي حيدر للاسف رضعو رضاعه
كشر انيابه المنافق عالولي وذبه القناعه
ما درو بالوالي حيدر هوه باب الكل شفاعه
حيدر الجنه الزهيه - يشهد الباري ونبيه
يلله يا ربعي وهلي - عزو دين الله ابعلي
---------------------------------------
الارامل واليتامه تبجي يم باب الصميده
راح ابو الحملات حيدر راح والراح اشيعيده
وين اساس الدين وينه وين عنوان العقيده
غيره ياهو اليفتقدنه وبسخاء ايقدم ايده
ياهو ليلمنه بحنانه - ياهو لنعيش ابامانه
ياهو الك ياهو الي - عزو دين الله ابعلي
-----------------------------------------
حيدر الايمان كله والخشوع اول صفاته
خالد او تاريخه خالد خالد ابكل تسمياته
خانته الزمره اللعينه وغدرته ابساعة صلاته
حيدر ابيت الله حيدر مولده هناك او مماته
انطبر راس الصميده - ما كطع ينزف وريده
خانت ايد الجاهلي - عزو دين الله ابعلي
----------------------------------------
ثامر الأعرجي ـ العراق

شبكة الوادي الثقافي - ـ ثامر الأعرجي ـ العراق ـ - الإثنين 6 / 07 / 2015 - 06:06 مساءً زيارات 583 تعليقات 0