للحشد للحشد.. يالله نتعنه
كلنه متطوعين.. تلبيتنه حسين
للحشد للحشد
*******
صحنه لبيك اوهتفنه للوطن همتنه
كمنه ودعنه المنايه والمنايه اتزتنه
سرنه مدفون ابسواتر عالفشك ربتنه
غيرة العباس بينه والعزيمه اتعتنه
للحشد للحشد..اوياهم اتمنه
للحشدللحشد..يالله نتعنه
كلنه متحزمين.. تلبيتنه حسين
للحشد للحشد
********
احنه كلنه اتطوعينه  مانطالب اجرك
اجرتي  تبقه بلادي بالشهاده اتذكرك
تنختم (من دم) ورديك  ياشهيد اوصبرك
لوترد ماكو مآثر لاتظن انعذرك
للحشدللحشد.. ابدمك اتحنه
لاحشدللحشد.. يالله نتعنه
للحرب ماشين..تلبيتنه حسين
للحشد للحشد
****
لاتظن بالراس انزله لاوحك مرضعنه
احنه فرسان الحرايب مانهادن احنه
نحترم فتوى المراجع نقتدي ابمرجعنه
لونهادن داعش انذل لاوحقك ضعنه
للحشدللحشد..ناس تحسدنه
للحشد للحشد..يالله نتعنه
لايذل الدين..تلبيتنه حسين
للحشد للحشد
********
ابصولة الساترهتفنه والرجل ثنينه
العصايب والكتايب فد متن خلينه
خاف يتراجع مجاهد بالحبل شدينه
گلنه يازهراء گلنه ابتلبيه لبينه
للحشدللحشد..هيبته النه
للحشدللحشد.گلنه نتعنه
واللطم بعدين..تلبيتنه حسين
للحشد للحشد
*******
لاتظل تحجي عليهم بالشباب اتخاذل
كافي ملينه سكوتك كافي لامنجامل
لا… ولاشفنه سياسي وي ولدنه ايقاتل
حته بالتنظير ضدهم عالوطن متحامل
للحشدللحشد..روح واتمنه
للحشدللحشد.گلنه نتعنه
موته موش اثنين..تلبيتنه حسين
للحشد للحشد..گلنه نتعنه
************
الحمدلله رب العالمين
ديوان
دموع الهاشميات
الجزء الثالث

» تاريخ النشر: الجمعة 24 / 07 / 2015 - 12:31 صباحاً
» تاريخ الحفظ: الأحد 13 / 09 / 2026 - 09:44 مساءً
» شبكة الوادي الثقافي