بين ماي العلكمي ومرمى السهام
جربه بيهه اكلوب لكــن ناحلــه
تنبض الجربه نبض لكن ضعيـف
وانشد العباس شنهي المشكلـه
سيفك ابيمناك بس يكره قتال
لأن.. فـرقان إبيمينك شايلــه
لـونقيس احنه المسافه للفرات
بين خيمه وماي صعبه المسأله
بالجبروالهندسه انقيس الطريق
من المدينه توصل الحد كربلـه
شنهي صار إبـّالك اوجودك بديك
والنهر بالماي هم گـلّـك هـلـه
لـوتـجـر انفاس توليك السهـام
يعني تكطع ريــج مـن تتعنه أله
لكن الودّاك أظن فيـض الوفاء
من وفاءك اسم عباس اعتلـه
لكن الحيرني من شلت اومشيت
اشلون تحمي الجود ترجع حامله
اذاً موماي الحملته امن الفرات
جود ابوفاضل حمل بي كافله

» تاريخ النشر: 8 / 11 / 2015 - 07:10
» تاريخ الحفظ: 1 / 11 / 2026 - 06:46
» ط´ط¨ظƒط© ط§ظ„ظˆط§ط¯ظٹ ط§ظ„ط«ظ‚ط§ظپظٹ