هله بيكم يمشايه
هله بيكم يوفايه
هله بيكم.. هله بيكم
*******************
ابزمان الغابر. انطينه جفوف وركبه ضحينه.. هله بيكم
ضحكنه اهوايه عالجاني نحر بالسيف وجداني هله بيكم
بجاني اويكطع المنحر واسمع صوت ابوالاكبر. هله بيكم
هله ابعشاكي واخواني طريق الموت عنواني هله بيكم
وابلبيك ناديته..غالي ومهجتي انطيته
هله بيكم.. هله بيكم
**************
ضحكنه اهوايه عالجاني نحر بالسيف وجداني هله بيكم
بجاني اويكطع المنحر واسمع صوت ابوالاكبر
مثل جون اوبرير اتشوف الك تشتاق خدامي
خادم يركض ايبوسك خادم يروي الضامي
يگله اعذرني وأمقصّر أضمدجدمك الدامي
يزاير رايد اترابك يفيد ابتالي ايامي
يبعدايامي وسنيني.. اخليكم وسط عيني
هله بيكم هله بيكم
****************
اشكثر رادوا يفرقونه يمنعوكم يمنعونه
رادوا ماتزوروني واسولف ابقه لظنوني تعوفونه
انتم موش زواري انتم آخر انصاري تعرفونه
انطيتوا اجفوف وانطيتوا مناحركم يوفايه شريتونه
امتانيكم يانصاري..اناطركم يزواري
هله بيكم
*********************
اذا طاح الشخص بيهم تصيحه الكاع واتشيله هله بيكم
الضزيرالعدنه مايكدريكله عشك ابوالاكبر. هله بيكم
الطفل لوتتعب اجدامه كلهه اتصير خدامه.. هله بيكم
واذا..طايح يشيلونه للموكب يوصلونه.. هله بيكم
يزاير خل ابوسنك.. وآخذ فدأجرمنك
هله بيكم.. هله بيكم
***************
عين الكافل اعليكم وزينب تمشي وياكم .. هله بيكم
تحملتوا برد والحرواتراب الدرب والبرهله بيكم
بعتوا كل شي للخدمه تعنيتوا ابعلوا همه هله بيكم
واحبنه نراعيكم نواسي المعتني بيكم هله بيكم
تفرحني شعايركم..لأن بيهه ضمايركم
هله بيكم
*************
تنظر بالدرب رايه منهوا الجاي مشايه أظن حيدز
يذكرنه بأبوفاضل رافع راية الكافل بغد وأكثر
جايب فاطمه تمشي محنية ظهر تمشي وأظن تكدر
جابت ماي وياهه تريد إتروي إضناهه من الكوثر
زوار واتسجلكم..والمطلوب تحظركم
هله بيكم.. هله بيكم
********
الحمدلله رب العالمين

» تاريخ النشر: 14 / 11 / 2015 - 07:50
» تاريخ الحفظ: 1 / 11 / 2026 - 06:46
» ط´ط¨ظƒط© ط§ظ„ظˆط§ط¯ظٹ ط§ظ„ط«ظ‚ط§ظپظٹ