******
يسمع الكون..؟..فاطميون فاطميون
********
اذا اكتب قصيده أتوضه بأسمچ
عله السجاده أكولن كون أرسمچ
وإذا صار التشهد فكري يمچ
وإذا.. أسجد تربتي ادموم همچ
شيعي محزون..؟..فاطميون فاطميون
******
واذا كصدك تعاند كول ميصير
خلل صار ابصلاتك هذا تقصير
بِدَر منك جنون ابلايه تقدير
يكون الرد عليك آية التطهير
خل يفهمون..؟..فاطميون فاطميون
*******
الورد عدنه جميل إبكل الأشعار
من إسم الورد يافاطم إنغار
قرينه إسمچ حنينه إبعين الزغار
الدمع يسجد نعي( لويعرف)الصار
من العيون..؟..فاطميون فاطميون
*******
نشم عطّاب نار ابشوف الأعتاب
تهجاچ الدمع من ضلعچ انصاب
رجع يبعث تعازي الداحي الباب
يعظم الله اجرك بأغله الأحباب
وأنتم إشلون..؟..فاطميون فاطميون
*****
يمن قرآن إنتي..وأم..الأيتام
اليتيم اليوم شيعي اعليچ لطام
طلع سرّچ عقيده إبكتب الأسلام
يزهراء الدهر ضد أهلچ إشظام
من يلطمون..؟..فاطميون فاطميون
*********
الحمدلله رب العالمين
ديوان
دموع الهاشميات
الجزء الثالث

» تاريخ النشر: السبت 5 / 03 / 2016 - 12:50 مساءً
» تاريخ الحفظ: الإثنين 15 / 06 / 2026 - 11:32 صباحاً
» شبكة الوادي الثقافي