الخدمه الحسنيه**
يخادم بالخدامه اخلص النيه
ابتعد عن الانا عوف الانانيه
**
تره هاي الخدامه البيها رفعة راس
شكبر قدره صبح مابين هاي الناس
لابو اليمه الخدم باخلاص والعباس
تاج تصير اله الخدمه الحسينيه
**
لو شاعر جنت وظفها اشعارك
لحسين وهله وخل يعله مقدارك
باجر بالحشر تلكه اشكبر دارك
عن جعفر ابشرك هاي مرويه
**
يخادم لو جنت رادود تنعه حسين
دورعالقصيده اللي تبجي العين مثل حمزه الزغير لو قره و ياسين
لو عبد الرضا من يقره لطميه
**
المنبر توعيه ينطي وعظ وارشاد
ويوضحلنه الحقيقه حسين منه اشراد
ضحه بنفسه وعياله ابو السجاد
يريد الذل نرفضه والعبوديه
**
يريد الذل نرفضه نعيش كون احرار
والباطل نرفضه بكل عزم واصرار
للمظلوم عون انصير اله وانصار
افعال الخير من شان الخدم هيه
**
خادم اهل البيت
ابو احسان الهلالي
» تاريخ النشر: 10 / 09 / 2018 - 11:02
» تاريخ الحفظ: 1 / 11 / 2026 - 05:49
» ط´ط¨ظƒط© ط§ظ„ظˆط§ط¯ظٹ ط§ظ„ط«ظ‚ط§ظپظٹ