« ط§ط¬ظٹط¨ ط§ظ„ظ…ط§ظٹ ط²ظٹظ†ط¨ ..طں ط§ظ„ط´ط§ط¹ط±ظ‡:ط§ظ… ط¹ظ„ظٹ ط§ظ„ظ…ط§ظ„ع¯ظٹ ظˆط§ظ„ط´ط§ط¹ط±: ط³ظٹط¯ ظ‡ط§ط¯ظٹ ط§ظ„ظ…ظˆط³ظˆظٹ »






اجيب الماي زينب ..؟بس تأمرين
اشيلنه النهر وبداعت حسين

اچيب الماي زينب ..؟بس تأمرين
___________________
اچيبنه    النهر   وبهاي  اديه
وحگ زينب وفاطمة الزجيه
لشيل السيف وسطرهم سويه
ادون    كربله  الصولات    اليه

وعذريني يعمي ولا تزعلين
اچيب الماي زينب ..؟بس تأمرين
ام علي المالكي
__________

اذا ماكو نهر اعصر عيوني
واحاجي النفس لاجل حسين هوني
وانا السقاي ماهاب المنوني
وانه كلبي على اطفالي حنوني

انا العباس اموتن لاجل الحسين

اجيبه الماي زينب ..؟بس تأمرين

سيد هادي الموسوي
____________________

عطشانه الاطفال من الضمه تلوع
ليش  اعله النهر  ملتمه  الجموع
الماي اليوم اجيبنه الممنوع
  عيوني اصير ماي واعصر ادموع

لرويگم عساني ابهاي الايدين
اچيب الماي زينب ..؟بس تأمرين
ام علي المالكي
___________________

ارجز عالنهر بس شعري بي وجعه
عالظلت وراي ابصفنة الدمعه
وحق ايات موسى والسمه السبعه
انه العصّات موسى ابمطهمي اسعى

حيه وابتلع كل الشياطين
اجيب الماي زينب ..؟بس تأمرين

سيد هادي الموسوي
____________________

ارهب كربله والماي اچيبنه  
الفرات اليوم لازم آنه اعبرنه
ماضوگ العذب احلف اذبنه
محروم الميه حسين اشوفنه

شهم عباس يربات الدواوين
اچيب الماي زينب ..؟بس تأمرين

ام علي المالكي
____________________

اجرّن بالنهر من ركبة اجروفه
واخلي الجيش كله ابعينه ايشوفه
واخلي كل سبع يتراجف ابخوفه
وكت الليل يحلم بيه بطيوفه

سيفي ابشفرته وايكطعه نصين
اجيب المايزينب ..؟بس تأمرين

سيد هادي الموسوي
____________________
تمت بأقلام خدام الحسين ع
الشاعره :ام علي المالگي
والشاعر:سيد هادي الموسوي
ونسألكم الدعاء



» تاريخ النشر: الإثنين 9 / 08 / 2021 - 11:25 مساءً
» تاريخ الحفظ: الإثنين 15 / 06 / 2026 - 11:13 صباحاً
» شبكة الوادي الثقافي

.:: https://www.alwadi.info/ar ::.