ماعرفتج
******

السـيــد  هـــــادي الموسوي الناصري  

ماعرفتج...؟...انتـي زينب لوغريبه
ماعرفتح ...؟...حالتج مثل السليبه
خويه يمحمدصدك...؟...صار بالطف نفترك
ماعرفتج...؟...ماعرفتج
***********
آه....... يازينـب شـفــــت طـولــج يـمـيـــل
                        يــخـتي شأنـظــر وجـهـــج الذابـــل نـحــيــل
                        عـيــــن راحــــت مـنـــــج اوشوفــج قـلــيــل
                        بالضعن خــويــــه شـفــــت بـــــــس العلـيـل
ماعرفتج...؟...خويه كوليلي اشحصل
خاف اهضمج...؟...خويه حاجيني ابعجل
هاتشم ريـحة حـرك...؟...صـار بالطف نفترك
ماعرفتج...؟...ماعرفتج
                           خـويــه رحــــــت امدلـلـــه ابــــزود الكفيــل
                           جـــــان أبـوفاضل إلــــــــي خـــــــل وخليــل
                           خويـــه خـلانـــي ابــحـــرم صــــرت الدلـيـل
                           وأسمـــع الشمات تصـــــرخ حـيـــــل حيــــل
شنهي قصتج...؟...هاي أطفالـج تنــوح
مـاعرفـتـــــج...؟...أنـظر آثـــار اوجروح
تشهك انفاسي شهك…؟...صـاربالطـف نفترك
ماعرفتج...؟...ماعرفتج
*****************************
آ..........يـزيـنــب شـنـهــي عــنــدج مشكـلــه
وانـتـي مــــــــــا..تعـصيـج أصعــب مســألــه
إشـصـار كــولــــي إشـصــــار بـيـهـه إلقــافلـــه
لا........هـــوادج لاأعـــــلام ولاحسين او نسـألـــه
من رخصتج...؟...ماتشرحيلي الجره
ماعرفتــــج...؟...يختي اشوف امحيره
تصفك اجفوفج صفك…؟...صاربالطف نفترك
ماعرفتج...؟...ماعرفتج
**************************
آه....... يمحمــــــد اخــــــــاف أحـجــي أوتـطيــــح
عــنـدي مـذبــــوح اوتـصيــــر إنــتــــه ذبـــيــــح
مــثـــل سعـفــــات النـخــــــل اختـــك  إبـريـــــح
خـــــاف أخـبـــــرك ياحـسـيــن إتــظـــل تـصيــــح
عله بختج…؟...وين راحوا أخوتي
ماعرفتج…خويه ارحمي أمروتي
ما.. شفتنه ننسحگ...؟...صار بالطف نفترك
ماعرفتج… ماعرفتج
********************************
خويــــه أعذريني تــــــــره كــلــــــش جبـيــــــر
وآنـتــي تدريني  إبشــلـــل بـالـمـــاي أحيـــــــر
جا .......منعـتـــج لـوأظـــن هـيـجــــي يـصيـــــر
جــــــان عــدنــــه حسيــــن يتنـصـــب أمــيـــــر
شنهي حصتج…؟...بس تلمين الجهال
ماعرفتـــج…؟...خويه يعذرني السؤال
الشمر بيه يطك...؟...صار بالطف نفترك
ماعرفتج… ماعرفتج
********
                 خــويــــه ...روس... إتكطعــت وإحــنــــه إبــهــــزل
                 والخـرابـه صــــــارت الضــعـــنــــــــــي نـــــــــزل
                 وآنــــــــه باسياطـــه الشـمـــر يــمـــــي يــــــــزل
                 دوم….....يـشـتـــــم فــاطمــه لامــــــــا يــمـــــل
هاي قصتج…؟...راحله وي الرؤوس
ماعرفتج…؟...بأخوتي الوادم تدوس
الناس بدفوفٍ تدك…؟...صاربالطف نفترك
ماعرفتج.. ماعرفتج  
**

  الحمدلله رب العالمين
ديوان
دموع الهاشميات  
الجزء الثاني

» تاريخ النشر: الجمعة 20 / 08 / 2021 - 12:37 مساءً
» تاريخ الحفظ: الجمعة 19 / 06 / 2026 - 10:56 صباحاً
» شبكة الوادي الثقافي