ط±ظ‚ظٹط© ظ€ ط§ط¨ظˆ ط§طط³ط§ظ† ط§ظ„ظ‡ظ„ط§ظ„ظٹ ,

« ط±ظ‚ظٹط© ظ€ ط§ط¨ظˆ ط§طط³ط§ظ† ط§ظ„ظ‡ظ„ط§ظ„ظٹ »

سلتني المصايب والله سلتني
عن حسين ابوها رقيه نشدتني
*****************
رقيه مادرت مذبوح والـــــــدها
تنشدني ودمعها ايهل عله خدها
اگلها مسافر حسين واوهودهـــا
وسهام النوايب والله هدتني
*****************
وين حسين ابوي اتمرد افادي
لگله اتسلبت يا مهجة الهادي
اشلون تروح عني الكوم ذلتني
******************
مچتوفه يسيره اتصيح وين حسين
يعمه مارجع شو والدي للحيـــــن
ويفك الگيد هذه البيــــــه متگيدين
فوگ امصاب ابوها مصاب صابتني
******************
وهناك الفجايع شفنه بارض الشام
تصرخ بالخرابه رقيه والايتـــــام
ابوي اليوم اريده عليه گلبي احتام
عليه اشبگ وانشده اشلون فارگني
******************
اهودها بصبر والنار وسط چلاي
وسهـــــام الدهرصابتني مية داي
ميته ولا اشوفن هالمصايب هاي
عليّ والله رقيه زيدت وني
******************
بصبري هودتها ونامت رقيــــه
وبسكته اونن آنـــــــه ليليـــــــه
عله الراحو چتل والعيله مسبيه
دليلي اشلون يهجع وشيهودني
******************
فزّت تصرخ من النوم واويـــــــــلاه
هسه بحضن ابوي حسين چنت اوياه
شو ماهو يعمه وين ابوي الگــــــــاه
عله عودي عمه گومي وياي وديني
******************
دوه صياح الخرابه ومن وصل ليزيد
وعرف لن اليتيمه تريد ابوها تريـــد
ودو الراس الها ومن تشوفه تهيـــــد
وفعل الطاغيه والله هدم ركني
******************
راس حسين جابوه بالطشت الها
ورقيه شافته والمنظر اذهلهــــا
مذبوح الابو وي الاهـــــل كلها
ما ادري يبويه من عمت عيني
*****************
عليه طاحت رقيه وگامت اتشمه
تشچيله الهضم بدموعها اتكلمه
منهو اللي گطع راسك يبو اليمه
ويتمني يبويه من زغر سني
*****************
اضل عمري وزماني امهبطه للراس
عگب عينك يبويه وعمي العباس
دنت ليها المنيه وگطعت الانفاس
فوگ الراس ماتت زيدت حزني

.:: https://www.alwadi.info/ar ::.