بدمع العين جئناك    وصوت الحزن ناداك
نعزي صاحب الامر  على المسموم بالغدر
**********        ***********
يسامره اجينه بنـــــوح   الچ ونعزي مهدينه
مواكب والدموع عيون   عالوجنات تچوينه
هذه اليـــــــــوم ماننساه  مصاب العسكري بينه
نواصب كل بني العباس  عله آل النبي ودينه

بطبع الغدر معروفا  وبالاحقاد موصوفا
ونار الظلم اذ تسري  على المسموم بالغدر
*********        ************
سم العسكري وظنّـــــه   يموت وتخمد الانوار
مايدري بشعاع النــــور  غطه الكون ليل نهار
حاقد والحقد عاميــــــه  مبغض للوصي الكرار
كون ايشوف هذه اليوم  اشعاع النور والزوار

اضاء الكون انوارا   وضاق الصحن زوارا
وكل دمعه يجري    على المسموم بالغدر
*********        ************
اجينه ولا نهاب الموت  اشحده ارهاب يمنعنه
اجينه انعزي مهدينــــه  وحب الال يجمعنـــه
نهتف ويلي عالمسموم  دم اتهل مدامعنـــــــه
نندب يا الهي الكـــــون  عجل بالفرج صحنـه

فانت الـــعالم فينــــــا   لنا عجل بمهدينـــــا
فقد ضاق بنا الصدر  على المسموم بالغدر
***********       ***********

طفح بحر الصبر بينه  علينه ضاگت الوسعه          
لاحگ لا عدل موجود  جار الجاره مايرعه
شيعه اصبحنه متفرقين  كتل واحزاب متفرعه
الك شكوانه نرفهعا   يمهدي ونطلب الفزعه

جراح تنزف فينا   وغائب من يداوينا
ونار في الحشا تسري  على المسموم بالغدر
***********       **********
صابر لشوكت صابر  وسيفك زنجر ابغمده
چا يمته يبو صالح   بارگاب العده اتحده
يركن الدين ضاع الدين يمته بچفك اتسنده
ويسود العدل عالكون  خل يتفايض ابمده

ودين الحق تحييه   وصدر السبط تشفيه
ترتل سورة القدر   على المسموم بالغدر
********         ********  

                     خادم اهل البيت
                    ابو احسان الهلالي

» تاريخ النشر: السبت 4 / 01 / 2014 - 12:25 مساءً
» تاريخ الحفظ: الجمعة 19 / 06 / 2026 - 10:56 صباحاً
» شبكة الوادي الثقافي