طµظˆطھ ط§ظ„ط£طط²ط§ظ† ,

« طµظˆطھ ط§ظ„ط£طط²ط§ظ† »

بصوت الاحزان تنادي  بصوت الاحزان
يمّه يا بضعة الهـــادي  بصوت الاحزان
يا بعد روحي ويعيني   عليه ردي وكلميني
*******          ********
آنـــــــــه زينب ليش متردي عليه
مو عزيزة گلبج آ نه يلزجيــــــــه
من تحاچيني ترد روحي اليــــــه
عليچ جدي المصطفه سيد البريه

انهدم حيلي ييمه  انهدم حيلي
طگ دليلي ييمه  انهدم حيلي
بچلمه يا يمه ارحميني  عليه ردي وكلميني
*****           ******
عگـــــب عينچ اظل يايمه غريبه
وابقه مكسورة الخاطر يلحبيبـــــه
يا حنان الراح مني منين اجيبـــه
اشلون اهجع والگلب يسعر لهيبه

تظل تجري دمعتي  تظل تجري
طول عمري دمعتي  تظل تجري
يمه ما هزچ ونيني   عليه ردي وكلميني
******         *******
شمعة البيت انطفت واظلم علينــــــه
وشعب گلبي حسين من اسمع ونينه
والحسن يمچ ينـــــــوح وتهل عينه
بحسرة اليمّـــــه بقينــــــــه يلحنينه
اخذيني وياچ ييمه  اخذيني وياچ

صعب فرگاج ييمه  اخذيني وياچ
ما تشوفچ بعد عيني  عليه ردي وكلميني
*******        *******
ابهيده يا بويـــــه علي لو غسلتـــها
وبالصدر ضلعين مهشومـــه شفتها
وسطرة الباغي اعله خدها شاهدتها
والمصايب بويه كلها آنـــــه عشتها

بدفعة الباب عصرها  بدفعة البــا ب
انكسر وانصاب ضلعها  بدفعة الباب
والطم بچفي جبيني  عليه ردي وكلميني
*******         *******
بعد ما غسلها حيــــــدر شيعاها
وبلحدها حيـــــدره من وسداها
الك رديت الامانـــــه خويه طه
گوم وانشدها عله الظلم الدهاهه

بدمعة العين بچاها  بدمعة العين
ابو الحسنين نعاها  بدمعة العين
ظلمه من بعدچ سنيني  عليه ردي وكلميني
*******        *********
شيعه وي زينب نواسيها بدمعنه
وبدعاء الفرج يا معبود صحنه
بطلعة المهدي الهي عجل النه
بالارض زاد الظلم والهم كتلنه

يطلب بثار الوديعه  يطلب بثار
وثار الحسين ورضيعه  يطلب بثار
الباري امره من يجيني  عليه ردي وكلميني
*****             ******

         خادم اهل البيت
         ابو احسان الهلالي

.:: https://www.alwadi.info/ar ::.