اجت ليكم يتاماكم تلكوها
وزينب والحرم ماظن تعرفوها
رد ليكم ضعنه ننادي ومن سمعنه
****** *****
ردت بالضعن اشباح شوفــــوها
وعن هضم اليسر گومو انشدوها
وبچفوف المحنّه الدمعه امسحوها
تشچي الهم اجتكم گوموا شچوها

طبت كربلـــــــه وگامت تناشدها
عن اجساد اهاليها البگت عدها
وين اهل المحنه ننادي ومن سمعنه
****** ******
ردينه بهضمنه اليوم ردينـه
الچ ياكربله گومي وتلگينـــه
ماننساچ خافنـــــــچ نسيتينه
عن بدور هاشم بالله خبرينه

على اترابچ بگوا اشلاء متطشره
بلا روس الجثث وبدمها متعفره
عگبهم والله ضعنه ننادي ومن سمعنه
****** ****
طبن كربلــــــه بياحاله طبنهـــا
مثل دوي النحل من ارتفع ونها
واملاك السمه بدموع بچنهــــا
ماجت كربلــه بالنوح رجنهـــا

نصبت ماتم الاحزان ها لليله
وعيون الدمع دم گامت تسيله
اليوم الكم رجعنه ننادي ومن سمعه
اعله گبر حسين زينب حضنته اتشمه
وبدمـــع البيــــابي گامت اتكلمـــــــه
ريت اتشوف حال اختك يبو اليمــــه
الك رديت خويه وهضمتي هضمـــه

جبت ايتامك وكل الحرم وياي
ويمك يالولي جيت اشتكي بلواي
راح الخدر منه ننادي ومن سمعنه
****** ******
خويه حسين اجيتك والهضم سلني
بحرمكــــــم واليتامه وكتي دوهني
يخويــه وعن رقيــــــه لاتناشدني
وي جرحك جرحها بالگلب هدني

عل راسك ماتت رقيه ينور العين
وبشام الكدر نامت يخويه حسين
عليها صب دمعنه ننادي ومن سمعنه
****** *****
گــــــومن يالفواطم يالله گومنّـــه
لشاطي العلگمي خلنّــــه نتعنّـــــه
اليــــــه اعتاب وي عباس اسمعنّه
مسلوب الخــــــدر والسوط ورمنّه

حنن يم گبر عبـــــاس من حنن
يرتج الكبر لمن سمع ونن
عنكم غصب رحنه ننادي ومن سمعنه
****** *****
علـــه الاكبر ينوحن مره عل قاســــم
ومره عل الصحابه وكـــل بني هاشم
وام عبدالله صاحت والدمــــــع ساجم
ويــــن اوليـــــدي دلوني عليه نايــــم

طـــــگ گلبي واجيت اليوم ارضعنه
وبحضني اشيله وارد اشمنه
المصايب مرمرنه ننادي ومن سمعنه
****** ******
خادم اهل البيت
ابو احسان الهلالي

» تاريخ النشر: 12 / 02 / 2014 - 06:41
» تاريخ الحفظ: 1 / 11 / 2026 - 06:45
» ط´ط¨ظƒط© ط§ظ„ظˆط§ط¯ظٹ ط§ظ„ط«ظ‚ط§ظپظٹ