زينب آنه والدهر ماذيني
بالمصايب خلّصته سنيني
اويلاه يافاطمه
**    **
آنه من بيت الحزن خذت الحزن
وي ونين امي اونن من تون
والدمع جرحلّي من زغري الجفن
نار تجري اعله الوجن تجويني
اويلاه يافاطمه
**    **
بعيني شفت امي انهشم منها الضلع
هوت فوك الكاع وتهل الدمع
تصيح يافضه بكلبها المنفجع
طاح بالعصره الضنه سنديني
اويلاه يافاطمه
**    **
المحسن بعيني نظرته اعله التراب
صوبه البسمار وبدمه خضاب
وشفت عبد الله بسهم لمن انصاب
ريت ميته ولا تصدهم عيني
اويلاه يافاطمه
**    **
شاهدت جف النذل لمن سطر
آية الرحمن بت سيد البشر
بالطفوف عليه نفس الجف جسر
ورم بسوطه النذل متنيني
اويلاه يافاطمه
الحركوا الباب احركوا كل الخيم
ويسرونه من عكب اهل الشيم
عالهزل مجتوفه الايتام وحرم
بلا خدر واتستر بجفيني
اويلاه يا فاطمه
**    **
اليوم نفس الامس لاحداثه يعيد
ردت عليه النواصب وشتريد
للشمر احفاد ذوله وليزيد
تريد تهدم مرقدي وتسبيني
اويلاه يفاطمه
**   **
تريد تهدم مرقدي تعيد السبي
مادروا بانصاري كل شيعة ابي
عهد منهم مايمسني الناصبي
تلطم بنوح وعزه تواسيني
اويلاه يفاطمه
**   **

            خادم اهل البيت
            ابو احسان الهلالي    

» تاريخ النشر: الجمعة 14 / 03 / 2014 - 06:05 مساءً
» تاريخ الحفظ: الجمعة 19 / 06 / 2026 - 10:58 صباحاً
» شبكة الوادي الثقافي