ط§ظ„ظ†ط§ط¹ظٹ ,

« ط§ظ„ظ†ط§ط¹ظٹ »

يناعي اگصد بسرعــه *** يهل ناعي
صوت احزانك اترفعه*** يهل ناعي
كربله گوم اعتنيها بالعجل
بلوعتك نادي يعباس البطل
********** ************
من تطب الكربله هــــــــــــد الدمع
وخلي صوتك من على التل يرتفـع
هناك بيت احـزان مكسورة ضلــع
تنـــــوح بالعبره وكلبهــا منفجــــع
بزينب واسي الزهره*** بدمع جاري
خل تتفجر العبـــــره*** بدمع جاري
صيح وين البيه مضروب المثل
بلوعتك نادي يعباس البطل
*********** **********
من عله التلــــــه اتجه صوب النهر
وخلي دمعاتــــــك تزخ زخ المطر
وصيح يابــــــــدر الهواشم والفخر
جيتــــك وحامل الك افجــــــع خبر
ما تتحمل اتسمعه *** يبو الغيره
والله گلبك ايفجعه *** يبو الغيره
زينب اختك نامت ابحضن الاجل
بلوعتك نادي يعباس البطل
********** ********
ظلت اعله مصابــــك تنوح وتون
اليوم وافاها الاجــــــل ام الحزن
تمنتك حاضر تغمضلها الجفــــن
بيدك اتغسلها تتولـــــه الدفــــــن
تجر الونه بالحسره *** يبو فاضل
تهد الجبل وتفسره *** يبوفاضل
تمنت بهل ساعه تحضرها الاهل
بلوعتك نادي يعباس البطل
اعتني بهمــــــه يشيــــــال الهمم
ياجـــــــرح ناشدها بيه اكثر الم
انهــد ركنها والله من طاح العلم
بيت عزها ويــــاك عباس انهدم
منك گطعت الظنه *** بدر هاشم
لچن بالروح تتمنه *** بدر هاشم
ليها تگصد ساعة الشده وتصل
بلوعتك نادي يعباس البطل
******** *********
تلگــه دم شريانها عالخــــــد يسيل
شوف شتگلك يبن حامي الدخيــل
بطيحة اچفوفك يبس هرش الدليل
وانگطع نبـــــع الوفع الماله مثيل
عليها ضاكت الوسعه *** يبن حيدر
ظلت تجري الدمعه *** يبن حيدر
يم صبرها ايوب صبره ما وصل
بلوعتك نادي يعباس البطل
******* *******
آه يا زينب بارض غربه گظت
وبالگلب نيرانها تسعـــر بگت
وين هاشم ما اجت ليها اعتنت
اوشيعتها بساعــة اللي ودعت
كلها الشيعه منفجعه *** تون وتنوح
نصبت مأتمج تنعه *** تون وتنوح
ياگلب زينب عفاه اشكد حمل
بلوعتك نادي يعباس البطل
******* *******

خادم اهل البيت
ابو احسان الهلالي

.:: https://www.alwadi.info/ar ::.