[ مارادك حسين ]


الجمعة 15 / 12 / 2017 - 06:47 مساءً
         
اتصل به صديقه بين الضريحين .. وكان هذا الحوار
مارادك حسين
شبكة الوادي الثقافي ـ الشاعر الحسيني سيد هادي الموسوي ـ العراق ـ الخميس 17 / 11 / 2016 - 08:49 مساءً
اتصل به صديقه بين الضريحين ..وكان هذا الحوار
💔💔💔💔💔💔💔💔💔
        مارادك حسين
       
*********
حل وكت الزياره وظرفي تعبان
صعبه ومن صديقي اشلون أكـــّلـه
خابرني اوضحك من زار الحسين
فتح جرح الزياره اومن يشله
گلي اشبيك چن مارادك حسين
إبحزن ظليت ساكت شرد أكله
اخافن قصرّت لو دين مطلوب
تدري الدين عد حسين ذلّه
الجرح لو طال فد يومين وايطيب
بس جرح الزياره ايخلّي علّه
أخي كتله اعتقد ماعندي توفيق
وأطلب هالسنه إمن حسين مهله
أظن تقصيرعندي اويَ الزيارات
تظن انت الزياره عندي سهله
صليت الظهر لا.. چني صليت
أحس آنه أبصلاتي عندي خلّه
لأن ضحكة صديقي صارت أوياي
ضحك شامت أحس اوكلبي سلّه
خلصّت الصلاه كلت الزم الباب
بلكت لوسمع يقسملي رِحله
كتله حسين مو خادم تعنيت
إذا… خادم نخاك إلهَم تحلّه
فوضت الأمريم زينب هناك
ظرف مختوم بس زينب تفلّه
وإذا.. متريد زينب واسطه وياي
يم العباس أظلّن دمعي أهلّه
أگلّه حسين عنده عتبه وياي
مايقبل ازور إوكال أجهـلَـه
حَل منك اريدن هسّه بالحال
وإذا..ميريد ازوره ألكالي مـُلـّـه
إلـه زاير أظن ميردني حسين
اراجع نفسي واقع حالي أحِلّه
لأن درب الخَدَم موش العب إوروح
وحك دمع السبايه إحساب گـــلّــه
**********
هادي الموسوي

زيارات تعليقات
تقييمات : [0]
763 0
تعليقات فيسبوك
عرض الردود
شاركنا رأيك
أدخل ناتج جمع العددين 2 و 5


النشرة البريدية

         


الحقوق محفوظة لصالح الوادي الثقافي

Site Go 2.0