[ أحزان الشيعه ]


الخميس 18 / 01 / 2018 - 11:01 مساءً
         

أحزان الشيعه
شبكة الوادي الثقافي ـ ابو احسان الهلالي ـ العراق ـ الإثنين 25 / 12 / 2017 - 09:05 صباحاً
ون بحزن يا شيعي والدمع اعبار
واسي النبي بهل فاجعه والكرار
أم الحسن مظلومه روح المختار
عليها المصايب صبت صب الدهر صباها
*******
بعد النبي ظلموها أم العتره
وبيعة علي نكرتها ذيج الزمره
من فدك حرموها البتول الزهره
يا شرع كلي بيا دين بيه اصدرت فتواها
******
ظلت تون تجري الدمع ليل نهار
من البجي حرموها كوم الأشرار
بيت الاحزان الشيده حامي الجار
تكصد له فاطم كل يوم بيه دم تهل عيناها
* *********
ّكسّر ضلعها وصوباها البسمار
من هجمت عليهه الاراذل للدار
ومحسن سكط يشكي الامر للجبار
وقنفذ يمد أيده شلون روح النبي سطراها
********
غيم دهرها ويمطر عليها سهام
مهضومه من جور الزمن والظلام
كضت عمرها بالحزن والآلام
مركز الخمسة الاطهار ليش الدهر آذاها
******
تعالج بكت بت النبي بعلتها
ناحل جسمها والمصيبه آذتها
نامت عله فراش الاجل خلتها
سلوتها تقره القرآن من الاجل وافاها
********
نامت بحضن الاجل أم العتره
وظل الحسن وحسين يجري العبره
اشلون من غسلها ما طك صبره
شاهد ضلعها المكسور والسطره من شافاها
******
ليش الصميده بليل من شيعها
وزينب بكت عالخد تهل دمعتها
ليش الدهر يتمها بأمها أفجعها
مذهوله تجري العينين منهو بعد يرعاها
******
ما خله حيدر للكبر كل آثار
أخفه كبرهه وهذا سر الاسرار
لمن يهل ابطلعته راعي الثار
يظهر كبرها المخفي وفاطم يقر عيناها
******
خادم اهل البيت
ابو احسان الهلالي

زيارات تعليقات
تقييمات : [0]
101 0
تعليقات فيسبوك
عرض الردود
شاركنا رأيك
أدخل ناتج جمع العددين 3 و 4


النشرة البريدية

         


الحقوق محفوظة لصالح الوادي الثقافي

Site Go 2.0