يمّه اشلون ترحين وتعوفيني
يازهرة حياتي وشمعة سنيني
ترحين واظل بحسرة اليمّه
ياعطر الحنان بحضنچ اشتمه
يمّه الدنيه بعيوني غدت ظلمه
عليچ المصطفى يايمه حاچيني
عاشرت الحزن وياچ من زغري
گبل دموع عينچ دمعتي تجري
اظل المن بعد واتحيرت بامري
ريت الموت يمه وياچ يلفيني
يلفيني ولا اضل عايشه بهمي
ونار الباب باچر تحرگ خيمي
وحيده ولا ابو لا اخوتي يمي
السطر خدچ ييمه بچفه يو ليني
بسمار الضلع منه ابتدت بلواي
والمحسن نظرته وصوبالي چلاي
چن عبد الله انظره بنبلة الرماي
مگطوع النحر يامن عمت عيني
اظل ليا مصاب وياهو احملنه
وتسعر بالدليل الاه والونه
حيدر والحسن بعدچ اودعنه
وبچبدي المصايب نار تچويني
كسر ضلعچ ييمه هدمالي الحيــــــــل
واشوفن صدر ابو اليمه تدوسه الخيل
جروحي البلگلب تنزف تظل تسيل
وعالشاطي يگـــــع چف اليداويني
خلافـــچ ما اريد العـــــــمر ماريده
وعليّ دهري مصايب يگطف مچيده
اشوف حسين بالطف ينحز وريده
وارجاس ال اميـــــه خلافه تسبيني
**
خادم اهل البيت
ابو احسان الهلالي