ام البنين الضحت باربع شباب
وفتحت باب التضحيه المامثله باب
صارت وجيهه....اسمع حجيهه
**
انه ام البنين وكلكم تعرفوني
انه باب الحوائج لمن تسموني
وبسفركم لو مشيتو حتما تندبوني
ولو شباب افكدتو منكم لازم تذكروني

تكولون الله يساعد لكلب ام البنين
اشلون دون الاربعه تنعه الحسين
لجله بجيهه .....اسمع حجيها
**
انه من جيت ابمهابه لبيت حماي الحمه
مارضيت البيت ادخله اله ادخل خادمه
رايده اليندهني بسمي لا ينادي فاطمه
يجرح احساس ابو اليمه وكلبه خاف يألمه

بهذا الاسم ناديني بي ياحيدر
ام البنين بهل الاسم انه افخر
تكل لوليهه..... اسمع حجيه
**

حيدره ربه بنينه وغرس بيهم نخوته  
طاعه واخلاص ومحبه وهاك اسمع قصته
مره ياعباس ناده كلهه عطشان اخوته
الماي فوك الراس جابه وعلي تذكر جربته

وتفايض الماي وطفح من طاسه
واذكر المخ الوكع من راسه
صفكت اديهه ....اسمع حجيه
**
ودعت ضعن الاحبة والجفن دمعه انهمر
والفكر يرسم ماسي الروح ملاها الصبر
ومن رجع ضعن السبايه وصوت ناعيه انفجر
هوت فوك الكاع صاحت يبني محزوز النحر

يم زينب اتعنت بدمعة عينها
لطمت وجها آ يفكد  حسينها
هاي الوجيهه....اسمع حجيهه


ابو احسان الهلالي