آ يزين العابدين
** ** 
ودع الدنيه بانين
آ يزين العابدين
** **
من بعد عين الكفل راعي العلم
آية الله اتكفـــل ايتــــــام وحرم
من النوايب والمرض حيله انهدم
بهل الامر موعود خطاه القلــــم
اله بس الله المعين.....من بعد عين الحسين
آيزين العابدين
** **
ل الله يسترجع بامره بكل ثبات
عالترب ينظر بعينه اهله الاباة
سجدت الصبره جبال الراسيات
الدمعه سيف التنزل تهد الطغاة
شاف اهله مجزرين....حسين مكطوع الوتين
آيزين العابدين
** **
لاجن الاصعب واشد حاله نظر 
زينب عليها الشمر لمن جسر
بسوط يضربها ويسب فارس مضر
عليها ابو الباقر دمع عينه انهمر
يجسر عليها لعين.....بت امير المؤمنين 
آيزين العابدين
** **
بالحديد امكيد الجيد وجدم
وصورة المآساة راسمها بالم
رفع ثورة راية حسين الاشم
وليزيد اتحده ابن سيد الامم
وضح الحق المبين ....كشف زيف الظالمين
آ يزين العابدين
** **
ركه الاعواد وبده بالبسمله
وكال آنه ابن النبي سيد المله 
بسيف جدي تم الاسلام وعله
والذبيح حسين ابوي ابكربله
بينه صرتوا مسلمين .....احنه انوار اليقين
آ يزين العابدين
** **
ظلت دموعه عله الوجنه تهل
عله حسين وصحبته الراحوا جتل
والجرح ظل ينزف وما يندمل
ياكل بروحه الحزينه وظل يسل
وبمناجاته الحزين....ثوره اعلن بالانين 
آ يزين العابدين
** **
هدم عروش ا ل اميه بدمعته
وفكر الطاغي الوليد بغدرته
سم امام الكون مرد جبدته
ونصبت عليه الماتم شيعته
تنعه سيد الساجدين..... 
آ يزين العابدين 
** **خادم اهل البيت
ابو احسان الهلالي